كان سدك بدرب الحزم بيحته
وصاغ قرحك هواه ورووح الهامه
هات لي حلب صافي ماتمنحته
خابره ياتقضقض هجو اسلامه
ميل اقصد لعمرن راح ما ارتحته
كل ليله تموج اخطاك قدامه
وقل لهاك الهبوب اللي تنطحته
يسعد الله مساه ويسعد ايامه
ليتني ياشهقته ماتنحنحته
ليتني ياسهرته عشق مانامه
اطلق الطير حومه وجه صحصحته
لاتتله سبوق ويلحق احلامه
وانت ياجيت للعالي ويارحته
تكتب الغيم صدق وتبرز اقلامه
من سنين الصبا والصوت رندحته
رافقت ناي حرفك روعة انغامه
مايمل الجريح الياتجرحته
كل مامر عام العام هو عامه
بيت ذكرى وكم بيتن تسلحته
داخره للزمان ويفتح بلامه
الله اللي وهب معناك سبحته
جل منهو عطا مثلك من انعامه
جيت لك من زمانن وجه مصلحته
قام يطغى عليه وبالردا سامه
تمرته تسبق من الغايه بلحته
وضاع منه الطعم والنفع مارامه
وان سئلت الزمن هذا وش اسلحته
كذبه وضحكته صفرا وهندامه
مال للمال والموال سامحته
كان هو مال عقبه فالزمن ضامه
يارفيق الوفا هالوقت مرجحته
خدرتنا عن التفكير بارقامه
سعود فرحان
============
وين قلبي براس الحزم شولحته
في مواضيه عن يومه وقدامه
في معانيك ملح ن ماتميلحته
من ليال ن بخد الذاكره شامه
مار تدري مح اللي كل مامحته
ماسترني بضيف الحرف وإكرامه
طير ي اللي يهوم الحوم بأجنحته
بس ياسعود عاش الظرف وأحكامه
خادن السبق والدنيا مجرحته
له زمانين كب الحوم ماحامه
ياوجوده توالي سن فرفحته
للهوى الطلق فوق وباقي أحلامه
قمت أطوطح لصوت ن حين طوطحته
قام يجرد ضميري عن تكتامه
حن وأبطأ حنينه لين ريحته
من ورى طريف في ثانيه للشامه
كاسب ذنبه العزلي وسامحته
مع هزيع الليالي يفهق أقسامه
عذب ملح القريات وتمرزحته
غربته ميدها والمسك وختامه
هل تجيبه بعد راحت مروحته
أو صغار اليمامه تمنعه شامه
عل من يبتسم لوهي مكلحته
تنسمح له كفاه الظرف وإرغامه
منصورحواس
===========
قافي اللي على الطاروق لولحته
جا يخادن قصيد ن راهي ايدامه
عب ريحه عقب جيت وتنطحته
يوم هب الشمال عصير بنسامه
زاد لهفة شعوري حين سرحته
في فروع الحماده علت احيامه
عل ياللي على شفي ليا شحته
عورجه مع دروبه فك حرجامه
كم بالايام عدينا ولا سحته
كل يوم ن يجي عاكس تعشامه
كل ليل ن يعدي باين ن نحته
في محاجر عيوني بانت اوسامه
ماسهرته منادم بس ممرحته
ولاقصيد يسريني عن او هامه
خذ بقايا قليب ن لك تنوشحته
وارمها صوب قارة مطوي القامه
قله ان الشعور العذب سانحتنه
لو يدرهم ترى مافاد دراهمه
انعزل في قديم ن لي توشحته
لا بقى به صهيل ولابقى ارهامه
صبيح عبيد
ليست هناك تعليقات:
إرسال تعليق