صبيح عبيد
اقصد لحالك وانــت مالك بحالي
ماعاد لي شف على فتلة القاف
دام الخرز متســــــاوي باللآلي
هو ليه نكتب ياعشيري بلا انصاف
======
منصور حواس
أنـــــــا بحلقك ناشب ن للزوالي
تبي تعجرف ماتعرف التعجراف
مار الوقـــــاعه يابوزيد الهلالي
تراك صاير مشنواني ومزهاف
=======
صبيح
ماني ولاني ياعشـــــــــيري امبالي
ياجى الذي يلمس خفوقي والاهداف
اجيه اجواب ثم اكرر سؤالــــــــــي
ليـــه اتساوى نقوة الشرد بإعذاف؟
=======
منصور
دوك الجـــــــــواب وبعدها لاتبالي
ياماضي ن طيبه لهتاش الأضياف
كبّك من وليه يتـــــساوى المقالي
ياعارض العمله على غير صراف
قل ليــــــــــه قدر مقلطين الدغالي
ينزل تحت واللاش قدره بمشراف
تختار عن مزحي معك شده بالي
وأنا من الواقع معررض للإتلاف
أحاول ألعب يـــــــالعشير الخيالي
عله يبادل لأشهب الوقت الأرياف
ولعل مزنك مايجيه الشمــــــــــالي
ياللي عن اللي يرصد الغير متلاف
تراك في سوق العرب راس مالي
آرد عليك ولا على الناشف الجاف
=======
صبيح
تلعب على سادس وتر بالغوالي
اللي معرقهن مبين بالاطـــراف
الوسم بين والطبع والدلالـــــي
ماحافها الحايف على دور الاسلاف
ياصاحبي متقاربين المآلـــــــي
نفس الشعور بواقعن كل ازياف
واجيك اجواب للسؤال ارتجالي
لو كان مايحتاج لجهود عراف
شلنا مناهج بالسنين الخوالـــي
مبادي ن ترفع على كل ماناف
صارت حكايا بالسنين التوالي
مال الزمن فيها غدت كنها اطياف
رغم انها كانت رصيد وحلالي
للمفلس اللي نال نعم وتعفاف
مقياسها نوماس طيب الفعالي
ماقيسوها كم يملك من اصناف
وهالحين صارت عندنا ما تشالي
وصارت موازين أهلها دايم خفاف
وصار الثقل للي جمع للريالـــــي
لوكان ماله بالنواميس ميقــــاف
ليست هناك تعليقات:
إرسال تعليق