حي الله اللي زاد في نوره النور
............... واستبشر الصدر الشمالي بكله
اللي حضور الشعر لاجاله حضور
.................... غيمٍ تفيا ذوقنا تحت ظله
يومٍ لفى اللي بالجزيلات مخبور
.................... الشاعر اللي بالحنايا محله ..!
مشهور لو ماهو بالاعلام مشهور
................... مازينوله .. صورته بالمجله .!
الله مزيـــّنـْه .. بنظر كل منعور
.................. له بصمة ٍ عن غيرها مستقله
ماهو عصا اللي بالملازيم مكسور
.................. لاوالله انه سيف عز ٍ نسله
ماللفطاحل في ميادينه شبور
................. جزل الشعر لاتاه عنهم يدله
دكتور شعر ان كان للشعر دكتور
.................. يسطي بقيفانه على كل عله
مجنون / عذب لهامته / صادق شعور
.................. الياجدلو جزل القصايد يفله
ماهو مدور من معانيه جمهور
................... له مذهب واضح ومبدا ومله
اليانتخوا عناز باروده اتثور
................. واليارتهوا غنى عن اوصاف خله
واليوم طل وشعشع بصدري شعور
................ ورحبت لو صدر الشمالي محله
يامرحبا ترحيبة ٍ .. كبر منصور
.................... ماعندي اكبر منه / ترحيبةٍ له
خلف المشعان
:
الأول الأول مـــــن أســمـــاه والـــنـــور
الـشـايـف الـلــي مـاحــدن شــايــف لــــه
ذكــره يطـمـن قـلـب أبــو قـلـب مطـيـور
عـــــلام بــالآتـــي كــمـــا آنـــــف لــــــه
واسري لكم مسرى غلامآ عصى الشور
شــوره بـراســه وأن بـغــا الـــدرب دلـــه
ماطس حـوض الجمـس دبشـي وعجـور
الـلـي بـحـوض الجـمـس خـلـه عـلــى الله
مـع الـدروب اللـي يـجـن شـرقـي جـفـور
الـســاطــيــات الــجــارحـــات الــمــدلـــه
الــلـــي لـواريــهــن تـوالــيــه بــالــخــور
صـفــط لـــه سـنـيـن وعـلــى مصفـطـلـه
سهلـة صواويـن ن يـعـوزك بـهـا الـقـور
يــامــا تــشـــوف أم الــوعـــل مـسـتـقـلـه
مـن فـوق جمـس (ن) ماضيلـه بـهـا دور
الله عــلـــى دور (ن) بـــهـــا مـاضـيــلــه
جمـس تجـي لـك بويتـه وصـف حيمـور
مـــن ريـشــة أنـــور غـبّــرت صبغـتـلـه
الله ويـاجـبـار ابــــو وضــــع مـكـســور
أنــــــك تــبــلّـــغ ســايــقـــه مـقــصــدلــه
عـــن لايجـيـبـونـه مـكـلّـبـش ومـخـفــور
أن قضـبـوه أبــا أتــرك الـوصــف كـلــه
وأشـدّهــا عـلــى الأنـامــل عـــن الـكــور
صـنــع الـــذي مايـبـلـش بـوصــف دلـــه
دربـــه سـمــاء وطـــاء فـــوق بــحــدور
يـشـهــل ثــوانـــي بالـبـسـيـطـه يـصــلــه
يـقـداه بــرج (ن) التغطـيـه بــر وبـحـور
يـابـعـد فـكــري عـــن عــقــل صـانـعـلـه
مـن هديـب شـرّق يـم عرعـر واباالـقـور
لـلـعـاصـمــه يــــــم الــــــذي مـحـتــرلــه
خـلــف ربـيــع الـلــي مـربــع ومـدهــور
الــريــف ريــفــه وأيــضـــا المـسـتـهـلـه
شـــوق الـــذي خــــده فــنــارات بــنــور
غـنـجــه تـمــيــزر بـالـضـمـيـر ويـتــلــه
جيـتـك أنـــوّه عـــن قـصـيـده لمـنـصـور
وقضبـتـنـي قـضـبـة صــخــى مسـفـهـلـه
لا شفتـكـم غـصـب يتـحـرك بــي شـعـور
وأوّقــف الـلـي كـنــت أنـــا مـسـهـي لـــه
عـلـى القـنـاه الـلــي بـهــا كـنــت مـاثــور
وأيضـا علـى الصفحـه عـلـى أيــة مجـلـه
يتـلـنـي لـــك عـــرق وايــــل ومـجـبــور
آقــف مـعـك وأنـخـى لـــك رويـــل كـلــه
عسـاك للأعلـى عـسـى الــلاش بـحـدور
يـقـولــهــا الـــلـــي يــفــخـــر بـلابــتــلــه
فلاعاش من شاف الثناء ولاأظهر النور
ولــو هــو شـفـق مـاكـنـت أنـــا مشفـقـلـه
أشـكـرك والـقـاري لهـالـنـص مـشـكـور
حـط عـنـزي بأسـمـي وخــذ صورتـلـه
منصور حواس
ليست هناك تعليقات:
إرسال تعليق