واقلبي اللي شاش مع شق الغباش
شب الحشا والجاش احرق ضميري
كني صويب كلاش رشن برشاش
ششت ولعب شوباش شري وخيري
ياراكب الشواش دمم ن على شاش
ياحوف مزنن ماش غيثه غزيري
كن الشكامن صوت مدافع الموت
وان طمن الكبوت روح عشيري
واللون لون التوت بجبال بيروت
حوضه تقل تابوت كشنه حريري
الاحمر الغويان والتنك مليان
نجمن صقع له جان وانكف حقيري
جمسن ليامن فز عزن على عز
وان لزماينلز يمكن يطيري
امدبلن بقزوز ماعايزه عوز
يشدا فزيز كروز برا الوزيري
مشروبه الممتاز مايشرب الكاز
عايز ولايعتاز حوف الخبيري
جمسن وشيخ جموس جياب ناموس
راعيه ذاق تعوس برد وهجيري
والجمس فيه جنون راعيه مجنون
مايركبه مجنون حال وفقيري
مايركبه ياكود من يدفع نقود
راعيه ذب حدود دربه خطيري
ركب طريق البيب والدرب تغريب
يصيب والايخيب ربك قديري
المبدع دائما
منصور حواس الرويلي
ليست هناك تعليقات:
إرسال تعليق