سبحان من سخر دعيته ودقيــــــت
للسلف رادو وأشمل الجمس والبال
وعليك ياعلام ماأطلعت وأتقيــــــت
عقلتها وكلتها هادي الضـــــــــــال
خطمت ذكرك يالولي وأطمئنــــيت
ذكرك يدوم وكل مانذكــــــــــره زال
سلام عم وخص نصه تنقيـــــــــت
مليان صدق ومن نقى الود مكتــال
والصدق مع درب الحيا بالحيا أحييت
حشمه لكم ماريد شهره ولامـــــــال
شاعر رفض دندار تسليطة الليــت
الضوء والدندار ماشاقن الحـــــــــال
لطريف وأهل طريف بس أوم لي جيت
ينفاج قلبي قبل أشوف أم الأوعـــــال
وأود ناسه كلهم ماتنقيــــــــــــــــت
ويكفيه أسمين ن طحاطيح وثقـــــال
زعل مشاري له بودي تماديـــــــــت
وأيضآ زعل عايد ولافيه زعـــــــــال
ولي به صداقات وبنيخي وتصــويت
جمهور أرقب له على راس ماطـــال
أقدر أصغر مابهم ماتعلـــــــــــــــيت
ولا أقدر اللي يتبع الشعر بهبـــــــال
الشعر حمض وياكثر زاد تبهيـــــت
أهديه لأهل طريف مثقال مثـــــــقال
وأهديك ياضامي وفاء ما إستحقيت
وأنا شريكك بعنزه عم مع خـــــــال
خليل أنا الضامي وفا له تداعــــيت
واللي يبي حلقي صفقته ولاســـال
خليل أنا كما ترى جيت وأبديــــت
نوب أتلخبط بالحيا نوب صهـــال
خليل أنا في شايحي ماتواريــــــت
سويت لي رجم ن يعقب للأجيــــال
ثابت ولو يصعق حجاه الدنامـــيت
ولو بذوا الفيروس شينين الأعمال
والله ولا أدري وش بهم عاد سويت
غير النقى عبر المواجه والإرســال
خليل أنا الحافظ نظر ماتطافــــــيت
إيوالله أني قاصـــــــره دون الأزوال
ماني ملاخس جارتـــــــه ياتقاصيت
حنا بجارتنا مضارب للأمثـــــــــال
بمداهم العسكر على حرمة البيت
وصلتها أنا وخوي وقصر طــــال
أنشد وهذا مثبت ن دون تثبيــــت
ماهو بتثبيت القصايد والأقــــــوال
ماهي عناوين الظلايم ومانشــــيت
هذا شموخ أخوات عشبه بالأفعــال
خليل صقار الوفاء حين هديــــــــت
على قليب ن مايبي متح بحبـــــال
يفور بالعذب الشهاليل وأرويـــــت
سمع ن يبي صوت الحقيقه بموال
من لامني يبي عمار ن هتاهيـــــت
وينقد على قصر الخفاجي بالأشغال
مار الأخيضر شامخ ن كان عديـــت
شف وش كثر عدى عليه من الاجيال
خليل صقار المضياني أغلــــــــــيت
من شانكم كل المضيان الابطـــــــال
طوطحت لك شعري ولا أسمع ولاريت
ولا أحب أنا الغاوون تمت بتفصـــال
منصور حواس الخضع
ليست هناك تعليقات:
إرسال تعليق