الرساله يانع ن توريقها

الرساله يانع ن توريقهــــــــــا
وأحمست قبل العيون تشوفهـا
رحلة ن مغرابها تشريقهــــــا
قصة ن حاشا الخيال حروفها
أنصح القراء عن تبريقهــــــا
عن دموع ن ينبهل مذروفهـا
خانة الدنيا عقب تشويقهــــا
لاتشوق وشوقها ذايوفهـــــا
لانوت بحمولها تفريقهــــــا
خفّــــفتها للبشر وكتوفهـــــا
وأن تعذّرها عرب ماطيقهــا
شلتها لو ضاعفت مردوفها
هقوةن بحتوفها تدنيقهـــــــا
وأكره التدنيق غير حتوفهــا
يالعيال مرّيحة ترهيقهـــــــا
هي متى ومكشره بشظوفها 
وأبردوها من عقب تعريقها
عقب دن الماو في سرجوفها
فوروها وأجـــــدعوا لبريقها
لين يرجع حثلهــا في جوفها
لأم هيـــــل وعجلوا تفهيقها
من تشوفه يقتــلب بحروفها
طب روس ن كايد ن تفويقها
من عماس الفانيه وحفوفها
من تزريها عقب تصفيــقها
من مشاريف العلا لجروفها
دوك كبدي وأرقعوا تخريقها
قبل ألّيـــف بالجراك طروفها
فاقد ن ثلـــج أمسها بطريقها
شايف ن خفاشـــها معروفها
أبجدياتي هفت بإغــــــريقها
والشعور أبعدت عن مرهوفها
يارهيفات ن تيبس ريقهـــــــا
من علاقيم ن تهيض رفوفها

منصور حواس الخضع الرويلي