صاحبي هاك مني كل مامني

من روائع المبدع
منصور حواس الخضع الرويلي




صاحبي هاك مني كل مامني
دونك اللي ولاتبلش بتفسيره
دون راحاته بثانيه ياحني
كود يصنت مثل حاكم لتزويره
بلغه ماجهرت وهاك ماكني
كل الإعجاب في عذبة تعابيره
سلموا لي على اللي ياكل الجني
راهي العذب والممدوح بالسيره
مقري ن مقوي المعنى من الفني
كنهن صايب الأشوار بالحيره
دن ماو القصيد الماو لك دني
كيف أجل وأنت من سادة خطاطيره
فرخ وكرآ فروخه حين هدني
يمصعن راس من يزند شناكيره
حومهن ياكسر فوق وتدالني
كم دعن طير عقب إدلايهن طيره
قبل عرفك وراك المدح متثني
كل شيب ن ينس السبع تكشيره
ياسليل أسرةن من صبحوا وني
ونة ن عقبها للبعث تصفيره
أقبل الود ياشوق أفلج السني
من غلام ن يعلم ما بأساريره
والله أني ثلاث أيمان لك أني
مصخي بالوداد اللي ولاغيره
لك لكل الذي مادحدر الظني
عن حجاء الشايحه مع كل دحديره
من جميع الذي يسمع وآنا آغني
جرةن تمنح الثاوين تنعيره
إسطوانات راس ن ياستدارني
من رثاء عيد بندان ومجاريره
ياعوى والقلن جاوب يخادني
تالي العز الأقعس وبحذافيره
وحن قلبي حنين الجمس ياحني
مسهم ن بالمرى وأكمن محافيره
هاطعه حمله الكايد ومتعني
غمضت فتحت قل عميت مطيره
عن هناء راحته ماعاد متهني
كاسب ن ذنبه بثانيه شنفيره
راح يهذل شكامينه تعاوني
عوية الذيب الأسحم لأسحم ن غيره
شايف ن سايقه شهب تعاطني
ناحراته يبن عفتت زعاطيره
أعذر بحمله وخلاه متبني
حولوه النشاما جوف له صيره
في طرف حرة ن مالونها بني
كنها الليل ياخرمس دياجيره
أشملوبه وهن قبله تعدني
هف تلك الحدود بدون تأشيره
من حنينه حنيني كيف ماحني
دام يصنت مثل حاكم لتزويره
من كثر مايكظ القلب ويكني
راح جمعه شقف لاحظ شعاثيره
تزمله قلبة الشيعي على السني
كيف أجل قلبةن ياصاح بالديره
ول يالدور شييخ آل أبورني
شيخة اللي قبل شاخ بزواميره
العملاق
منصور حواس

http://www.4shared.com/audio/Mp-nDvhs/__3.html