الذيب
هيّضني اللي طوطح الصوت مع خوف
واللي يخاف وزاد خوفه يهيضـــــــــي
ياذيب ياللي ناب سمعك عن الشــــوف
هو جوع ولا ميّت لك مريضـــــــــــــي
ياللي تزته زت في راس قفـــــــــقوف
وأنا خلاوي قبلـكم مستريضــــــــــــي
لكن بعد صلف الـوحي لافه اللـــــوف
غدى مزاجه وصف صافي خضيضي
مار أني بكيف ن على القاع مكلـــوف
لوطابقن سود الفكـــوك العضيضــــي
وإليا تكايف راسي الــذوف ذايــــوف
خليت لك عدي لو إنــــه مقيضــــــــي
طيب وغصيب ومشفيً معطي شفوف
وملاطف ن فكري خــــلال ن نجيضي
على هقاوي فاختن وأنكفــن عـــوف
من كم سنه عيضي ولاتستعيـــضــي
ميهدّت نفسي ماتضيّـــعفت لظروف
ولقيت من يحسدك حتــــى القريضي
ولقيت من يزرى على كاسـب النوف
وعرفت من يلتح عقب مـــــانفيضي
ولقيت شك بكل حرفً من حـــروف
وأنا حروفي ياأسود الشك بيضــــي
ومزوح يآتي ردهـــــا نوب مقذوف
صيد العكر واللي دخل بالعريضي
ومكشّخمين وكنهم وصف ملفوف
من حشــوته نكهة عفنهم تفيضي
يالنوم نوّم جفن الآشعار مطروف
يالبال مانت بشف بالي حضيضي
ولاني مغنيها على الناي بحسوف
لكنها عقب السحاب النفيضـــــي
أيام نقضيها وعارف ومعــروف
والكسب عرف لمن قصدت النقيضي
منصورحواس الخضع
ليست هناك تعليقات:
إرسال تعليق