الشاعر منصور حواس الخضع
يامــــــل قلبن كل ماجيت آباآهيد
حضّب همومه ولضميري لهديا
صل الغضب على العيون السواهيد
وحط الحسك في موقهن والرمديا
واسترسلت منه القرايح تناشيد
ياسمعهن ريّح حشاي وهجديا
مثايلن تطرب ضمير القواصيد
مثومنات وكنهن الشهـــــــديا
وإلّا كما در البكار المصاعيد
في خايعن ماجاه راع النجديا
مثايل ن مانقدوها النواقيد
من حافهن في حوفهن مجتهديا
مثايل ن لها تشوش الاواليد
دمجتهن بين القديم وجدديا
مثايل ن قامت ترادف عراجيد
صميلهن باقصى حشاي إنبجديا
يصعب يحل عقودهن القويصيد
ويسهل على مشكاي حل العقديا
ومشكاي بعد الله صبي التحاميد
قرم ن عليه بلازمك تعتمديا
له ننجب الي ماتلاها مفاريد
ولا لافتت وألا أرزمت للولديا
ولا رددوها يوم دور المعاويد
ولا طبت شبوك الجلب بالبلديا
ترعى مع اللي يبعدون المواريد
بدو ن لهم مع نازح الدو حديا
حمر ن تبوج منوزحات السماهيد
يا ضبضبت مثل الفهد يا جرديا
حمرن كتوم وحسها بس تنهيد
بنت ن تخاف لياحكت تنتقديا
عيا حياها ما حكت للنواشيد
واللي نشدها إفتهم وإبتعديا
أبعد يبشر من يكز الموافيد
ومن جاه قال ابشر بغض النهديا
وتجمعت هكالقلوب المواديد
سنن بسنن والجسد بالجسديا
قالت جرالي من غرامك تهاديد
وهو قاال انا بنيان قلبي هدديا
حمرآ تقل بعيونها قدح تزنيد
عين العديم ليا زعل وانضهديا
حمرآ بها شاره من الطير والصيد
بأسهامها وإذيارها تنفرديا
حمرن تقل داخل حشاها حوانيد
في حفلة ن فنجالها ماركديا
لهل الطرب ملاّ الدلال البغاديد
معزب الحفله قليّل سعديا
شيبانها من عقب ماهم ملابيد
مكوكبين ويطلبون المدديا
وان روحت مع السهال السراميد
كدريةن شافت لعين الكدديا
جبارةن لو غربلوها تفاديد
تصبر ولو فمها يلعفض زبديا
شيبا القرا طفح الظلوع المسانيد
رملآ حوّيرها لها مالجديا
حصى وبرعقدى ظهر باخرة بيد
مثل الظليم اليا إصطلوه وشرديا
حمرآ وأبوها له بشقران تاكيد
واصل أمها عمانيةن به سنديا
مقيضها شرقي حرار المساعيد
يوم أن اهلها ترغم الناس وديا
ومرباعها مغراب حزم الجلاميد
حول الندوف وللخباري ترديا
يبني عليها نيّها كنه الحيد
في صحصح ن به كل عشب ن تجديا
وان نسنس الغربي ليالي جويريد
شتوا بها ببن النفود وجلديا
قلته ومنصاها عشيان تحديد
ريف الضيوف وعز من له قصديا
القرم ابو بندر نزيه المقاعيد
كلن بطيب المزايا شهديا
رجل ن كسب من لابته كل تاييد
له موقف ن ماينسى للأبديا
من لابتن يومنها بمدت الأيد
هوايش ن منها العدى ترتعديا
حماية المركب عن الكود والكيد
متعصيه بسيوفها للوعديا
عيال النصير مدلهين الملاهيد
وصحونهم يانوشح المير نديا
نعم ن بهم من دون خص ن وتفنيد
من اكبر كبير ليا رضيع المهديا
قلته وياشوق البني المناهيد
الي يدلكن النهود بجعديا
لك السلام اصلي فلا فيه تقليد
من خاطرن خامه لكم منسرديا
على النقا والطيب يابن الاجاويد
غنا الحروف اللي لكم تستنديا
وإعرف ترى مالي بقافي مقاصيد
عن ظن يجلب للجميع النكديا
والقصد هو قفر المثل دون ترديد
من خوف أكرر يطلع القاف رديا
والقاف ياعشيان مثلك له يجيد
لداد من يمشي طريق اللدديا
قلته وانا بهدم عمار الحواسيد
الي تذّبح للتفاريق فـــــــــــــديا
وانا مشيت وياعساي آصل الميد
ومن سار ياصل من زرعها حصديا
مج الحشا للقاف جوز وتفاريد
من قلب وزّع بالعيون السهديا
ولا همني عذب اللمى باشة الغيد
الي ثمانه كنهن الــــــــــــبرديا
ايضا ولا همي أدور التفاويد
لا والذي هو الاحد والصمديا
همي سجين ن كيف انا أفلت له القيد
أسره مرض وإفلات أسره كمديا
ألوي قيوده والمرض زاد ويزيد
وعساي أموت وهو معي ينخمديا
جرحي يابو بندر فلا له تضاميد
الا اذا أصبح مطلع سهيل جديا
بديي شباب وبالمكينه تجاعيد
وناسك لها ياصاحب العرف بديا
وإعرف ورب ن خوتم الصوم بالعيد
أني أصادي فضحت السد صديا
غديت مثل الي يدور المجاويد
في غبتن والحيل كل وبرديا
يعرف يغوص ولكن الشاطي إبعيد
ماتن يدينه من عظيم الجهديا
مثله انا عارف ومالي محاييد
ومجبور اصارع علتي ولوحديا
اخاف من ضحك السفال المقاريد
اللي تجي بين الابو والولديا
وإن عدوا أهل المعرفه قيل صنديد
عساف قلبه لو على غير قديا
والوضع مايحتاج يالقرم تصعيد
من حيث لا صعد نزل ما صعديا
مار اطيب إناّ له نجي بالمراصيد
ولا نقول لحارس السد أديا
وهي هكذا الدنيا هناة البلاليد
وشقا عقول مركزين العمديا
تلقح وإذا شفت لسجل المواليد
تدعي عساها عقبها ماتلديا
عيالها بين الزعل والتصاديد
وبناتها لدين الهموم تعبديا
ولو هي تدوم إن كان عيّنت ابوزيد
مــــــــــــا جرته بحبالها للحديا
والعمر ضلع ن فوق مشيه تسانيد
نصف العمر راسه وتنصل هديا
ثم والله اني ماأشتهي عكسة السيد
لا والذي نزل حروف المسديا
لكن ترى بعض المثل نوع تبريد
لجروح قلبن بالحشا تتقديا
ان شفت انا ما عفت من زيد وعبيد
اللي مهاجيهـــــــم مهاجي وغديا
قوم ن له لسن ن سواة المباريد
تكمى الجميل وللكرم ما تحمديا
عرّضت من عجز النفود الهواميد
اللي لياشبن يضيــــــــــع الزهديا
يا ولعن تقل يرودك رواويـــــــد
لكن بهم صنف البشر يفتقديــــــا
رهط الجنون الي تزاهم مماريد
عجزت اميز وصفهم والعدديا
منهن وشعني ريّس الرهط والسيد
اشمط يجي بالطول حول الوتديا
سويت انا الفنجال لأبو النماريد
ومن شفه لفلو معاني لكــــــــديا
عودآ تجرهد بالمعاني تجرهيد
فطن عليه الي كساها الجعديا
حول ووادعني وعطاني معاهيد
يقول انا لك باللزوم اعضديا
واصبحت وافكاري براسي شواريد
مدري ضحى الاثنين ولا الأحديا
مار الوكاد اني تمددت تمديد
رنّحت قلبي وانثبر وانصهديا
وفك الحصار من العيون النواويد
اللــــــي قردهن يوم هو ينقرديا
وعرق ن شتل عيني هجدها تهاجيد
له بالمثل شايب جنوني فصديا
ولك يابو بندر كل ماشفت وتريد
يامنتهى الشكوى عريب البدديا
وشكري وتقديري وعذري وانا اعيد
لكم وداد ن في ضميري خلديا
وصلاة ربي مالعى الورق تغريد
على النبي واعداد عبدن سجديا
ليست هناك تعليقات:
إرسال تعليق