أحصدت يامسقيني ومن بذرني
جيتك من جذوري حشى ماتوفرت
جيتك لعجف النايبات أدخرني
وتلقى عسى الله لايحيجك إذا درت
وخل الطوال وطولهن وإختصرني
سم سم قصيد بواقعي لك تنثرت
غير الذي ينتابني ماخطرني
وأن شفت مايستوجب القول عمرت
ونو المرازيم الثقال يعمرني
تهشمن في صادق الحال وأغزرت
ماغير ذلك والخيال يعسرني
وأحثهن له وإن وصلته تقهقرت
من دون عذباته بركت وثبرني
الواقع الدبج الهماج وتغثبرت
فنار ياللي بالنوادر بهرني
نورت حالك ساحتي حيل وأبهرت
سيف القصيد اللي تسله وفرني
هو الذي فعلا معه مالنا كرت
سمهر وأنا المصغي شغف ماخشرني
صوت ن يشوب المصغيه كان سمهرت
عميق ندحك بالمعاني وسرني
على عمد صمتي تفاعلت وأوهرت
وعلى أبو فعلك مسند ن ماحدرني
كثير باللي تفعله ماتفاخرت
يجيك خطو اللي شظوفه كشرني
وينكف ولكنك بخلقه تبصرت
بك الهقاوي للبعيد يعبرني
تقطع حدود التكلفه دون بسبورت
الشاعر منصورحواس الخضع الرويلي
ليست هناك تعليقات:
إرسال تعليق