وأن لحظني طير شلواها بعيــون
يبعث لدنيا الغرام الفانيـــــــــــــه
كل مامرت يذعذعلي دخـــــــــون
كن مرّتها كجزء الثانيـــــــــــــــه
أحّيت بقلبي هشيم الزيزفــــــــون
وسمها ياسم بي الأغصانيـــــــــه
ياعسى العذال فيها يقمســـــــون
في شطوب طعيم أو ودرانيـــــــه
والعذارى من قديم يهرفلـــــــون
أنشدوا عن قيس بالأزمانيــــــــه
صار من ليلاه بحساب الجنــون
والهوى يخضع له السلطانيــــه
ينقلب صمتي لها بالمقرفـــــون
عن مراثي عيد بن بندانيــــــــه
طفلةً لها الطراقي يآقفـــــــــون
بادلوا من شوفها الآذانيـــــــــه
كاسي الحالك على ضو النيــون
يخلف الميزان بالميزانيــــــــــه
جل من سواه بأبدع مايكــــــون
منزل التوراة والقرانيـــــــــــــه
أذكر الله عن عيونً ينضلـــــون
عن رفيعً ما هبط بالدانيـــــــــه
تمنح الجنسيه لشوف الــ بدون
وأبوحقب يمسح الريضانيـــــــه
ماتنزل في نظر خرس العيـــون
قلعةً في شامخ الظلعانيـــــــــــه
من ركونً شايخينً بالركــــــون
ركنها يآمر على الأركانيـــــــــه
منصور حواس الخضع
ليست هناك تعليقات:
إرسال تعليق