أطرق الطرق الطويل وصله يم السحابه
أشهل بقافً تـــــــــركد ياعشيري بالصدور
وأنــت عم القرح كله ياعشيري وانت لابه
وأنت فيضن للقوافي فيضت فيه الشعور
تفــــرس المعنى لونه بين فكين الذيابه
ولاتجيـــب الا النوادر ياتعلت فوق قور
أسكبه مثل الرشاش من السحايب بانسكابه
دام ثلث الليل توه والمعاني فيه نـــــــــور
أدري انك للصداقه والوفى سورّت غابه
واناشّيدت المباني في محبتكــــم قصور
لــــك مواقف مايوقفها القرابه للقرابه
وانا أعرفك ياعشيري كل مافيك مخبور
هذا طبعك والجبله ورث مافيها غرابه
امتداد للمسطّر للأخيــــر من السطور
الربابه ماتفضي بال محزونً جنــــابه
حنة القوس بظهرها للكنين تقول فور
هات عطني مايحوس البال واعطيك لجوابه
ياعساني عنك مدهل للهجوس وللمرور
والمذاهب ماتضيق وبه مجالً للمجابـــه
خذ أمورك بالبساطه عقبها تهون الأمور
والقــــدر ساير علينا دامه بلوح الكتابه
وانت تؤمن بالمقدر خير ولّا به شرور
لا تضايق ياعشيري خل صدرك به رحابه
وانا ذخرك عند وجهك عدني لك بالظهور
كم هقــــــواتً هقينا والنتيجه في ترابه
الزمن يمكن تغير ولّا الانفس في حدور
لا تعجب يارفيقي مانت وحدك برتيابه
ياكثر صدمات وقتن تعترض خط العبور
مار طّنش واغتنمها فرصة العمر بشبابه
والهموم ليا إسّتبدت توهن الرجل الجسور
صبيح عبيد الرويلي
=============
عند عينك بالنوادر من قريضً يعتنـــابه
القصيد اللـــــــــي توده من نقاريحه يفور
من ضميرآ صافيّـــلك ماتغشلاه الضبابه
للصحايب وصف حمل ولعدوك دينصور
هـــات ماعندك تراني لك أطوّح للعصابه
ياسمين القاف قافك ماشكى معنى الضمور
ويـــــــن رايح بالمديح وقضبوني للربابه
قل على الله ماسوى الله يقبل بوضع الدبور
شــــــــايف ماحاس مري والمغفل مادرابه
والله أنـــــــي ناذرلي لو صفى بالي جزور
مار باللي لاعبنبه صاطي الهاجوس طابه
يـــــاغفى جفن المغفّل له هواجيسه تزور
مـــرحبابك ياعشيري يامحصل ماهقابه
لاعدمتك والله أنك وصف جبار الكسور
كنت أداوي للكئيب وأعتديت من الكآبه
كني اللي فحت حيل ولابقى عندي بخور
من سبب ظيق المذاهب مذهبي لاواذهابه
كيف أباأريّف بالمذاهب والنوايا بالدهور
لامتى وأرخي لحبلً هـــد حيلي بكترابه
ليه أنعّر بالنخاوي عالم ن تعشق ثبور؟
ظيقتي قصة غريبه في زمانً لاغرابه
خيبة ظنونً كثيره بالنوادر بالطيــــــور
جانبً لينــــه يبادل بالمتين من الصلابه
وأشهد الله بالنزاهه والرهيف من الشعور
ظيقتـــي تكفير ذنب ولادخلني بإرتكابه
الخطـــــأ لم الشتات وصححوني بالنفور
ظيقتي لخبطت وضعي والسبب أن الرتابه
عذبتنـــــــي وأجبرتني أترك العزم وأخور
منصورحواس الخضع
ليست هناك تعليقات:
إرسال تعليق