بيحي خلا لاباس يامكضومه

  بيحي خلا لاباس يامكضومه
عن الوطأ دع بالك المتعلي
لاتذخرينه في حجا المرجومه
ياما يطيب الكيف خوذي خلي
وتنصي الفراج للمزحومه
المنهي المتمشكله بالحلي
اللي يسوق القسمه المقسومه
سوق المزون إلياصلقهن صلي
الله ومن عزه عطاه الشومه
ومن لايعزه بشره بالذلي
ودستور يا رفاية المثلومه
يفداكم المتبلم المتحلي
وجدي على التعلله المهضومه
آخذ بها الراحه ولايزولي
من قبل نتبع ربعنا المرحومه
زلوا وباقي شكلهم مازلي
والقلب شفه خنة القيصومه
ماشفه أبعد من كذا لاواللي
لاوالذي يعلم خفى المكتومه
ولاشفه الدنيا تجي وتولي
صيورها تقطع نفس حلقومه
هذا الوكاد وسترها كاف لي
يوم أبتصر بالفانيه لاهومه
تاخذ ضحى وتبرهج المتسلي
وشلون أبا آمن غيبها بقدومه

منصور حواس الخضع