عــــــــزاه ياحالً بها مالجمهـــــا

عــــــــزاه ياحالً بها مالجمهـــــا
عن كل ماتستربه يالله العـــــــون
عونك ولاغيرك يقدر وجمهـــــــا
ياشب بين ركونها مايشبـــــــون
سعايرً غير مسيري وحمهـــــــــا
تحرق ضميري والملا مايشوفون
تحرق لجاش ن بالمحاني كتمهـــا
يخاف تعربها هبايب يقولــــــــون
يالايمي مشحونة الحال لمهــــــــا
لكن تذكر وضعها كيف مشحـــون
تمزعت هقواتها ويهشمهــــــــــا
حسً رهيف خشّنه صمت وغبون
الحال ضعضعها صـــــرامة ألمها
ماهي تماثيل على القاف ووزون
ياظكها دلآ يساوم نسمهــــــــــــا
بالهون للضيقه يمشيه بالهــــون
مفروطة بذت خفـــــى من نظمها
طش الخرز بين الشواميت وعفون
عمايرً مـــاراف بي مـن هدمهـــــا
ولاخاف بي مع عالــــــم مايذلون
من واحدآ خلايقه يازهمهـــــــــا
ماقال سجّل يومهـــا من يغيبـون
ولي حياةً بالمراره طعهمـــــــــا
بحروفها الونسه مثل نقطة النون
عاش الرفيق اللي هجوسي زقمها
عن من يبادل دقة الهاص بستون
ماشاف منها مايصفي عسمهـــــا
عجً عسى الله يصفق العج بمزون

منصور حواس الخضع

مساجله بين سعود فرحان ومنصور حواس

تــرى التـواصـل مـن امثالك يفرحني
يعـطـي طبيعة تعابيري طعــم ثانـي
لابـد ما الموت لـو طول مصبحني
وأن مت ما تاقف الدنيا على شاني
وان قلتلي كلمتين بصدق سامحني
من كثر ما أشيل قلبي يجذب لسان
تدري وش اللي على ماقيل يذبحني
يا قفا الرفيق العزيز وصد ما جاني
وانا ادري ان الوجيه السود تنبحني
ومتأكــد ان القـلوب البيـض تبغانــي
يـارب انــي طـلـبـتـك لا تـطـيـحـنـي
ولا تفتـح الباب للعــدوان تشناني
بالرغم من مهزلة حظ ن مشرشحني
وبالرغم من كثر رغباتي وحرماني 
الا ان ريح القصيده يوم ينطحني
يامر روحي لو اني ميت احياني
امطـر تـرا وبل هتانك يـريحني
وارجوك يا امطر سحابك لا يتعداني

سعود فرحان العزلي

------------------------------------
مع سيحة البال دن الروح وادنحني
لاجل يتكفكف جميع قروم وجداني
ودي لك بقرم فكري يا مدودحني
عن لاشهم لا يغث سموع صدقاني
ولله درك لو انك ما تريحني
ولا حلا من حنيني منك بالثاني
ولا حلا من رهيف الصاطي المحني
عن أدقم ن وأجقم ن يجعم ويمتاني
وأن جاك مابي وانا المابي وكافحني
وأنا الذي صادق النسناس يشعاني
مشعى بكارن مع الخايع تبطحني
تقاطعوهن هل الهدلا بالالماني
يا وارد الروح شرع زين والتحني
وأجهش هزيع الدجى يادن جرساني
واحب يا سعود مذهوب ن يصارحني
يدكنـي بالصراحـــه ويتقاصاني
ماوالله ازعل وانا الصداق يفرحني
وانا عشير البعيد وخاصر الداني
واللي ذبحكم تراه بحق ساطحني
يامنه أقفى الرفيق وصار قوماني
من غير ذلك كثير الحيف يرمحني 
على رفيق ن عقب جواي براني
ظنه يخج الضمير وليت يمشحني
كنت أزعم أني بظنه قرب الأخواني
وبعد اتضاح الخطأ ما زلت سامحني
وتكررت من عشيري ما تراضاني
متكشفات الخطايا يا توضحني
تكفيرهن وش يضر الصاحب الجاني
لا والذي يعلم اللاجي ورى المحني
حسيب من يشهده في غلظ الايماني
ما ودي اخسر رفيق ن كان رابحني
ودي رفيقي معه يمضن الازماني
يا وين ابا القى بداله يا توحوحني
هوادي الوقت يا جن بين الامتاني
منهاة مشكاة حالي خابرا لحني
مصمد شغايا خفيات ن بالاكناني
اجيه وقت الزعل يا صاح فرحني
وله اتداله يا شفناه عمساني
له ما يرى بس ليته حين يجرحني
يرميلي آسـف وأعديها وداواني
رغم أنهن قمعتين كبار يمنحني
معهن منحني سكوته متلف الضاني
عزالله أنه خفيف النفس طوطحني
وعزالله أنه على الدربين خلاني
الرايح الجاي والفاضي ابو شحني
الراضي بحق مار بحق شرهاني
ماودي ان المعادن يا تناضحني
ياكـود باللي مثل شهلول الامزاني
للبوح طيري جناحينه يفرفحني
عن كتف طيري قلبت البوح كتماني منصور حواس الخضع

على هوى شف ن ورى العوج غلاب

على هوى شف ن ورى العوج غلاب
يجيــــــك ياجا للمـراقيب مســحــوب
صغتــــه بعد ذكر الولي صوغ ذهاب
ثقيل يرجــــــــــح بالموازين مقضوب
شحته مع الغربـــي من القلب ينساب
لك يالذي لقيت بـــــــك شف مذهوب
خذ ماترى ياملتقى كــــــــل الأسباب
اللي ترتّب كل أبو عــــــفش منكوب
لقيت بك مفقودتي بأرض الأصحاب
لمس الجروح إبلســـمٍ عوز معطوب
ولقيت بك عن عورة الفهـــم جلباب
ولقيت في سوقك لشكواي مجلـــوب
إنحى وكم ينحى عن الكيف شــراب
وغربيّــــــــــنا عشىّ هبوبه ويادوب
يادوب ياقوس القلــــــن جاك لعاب
يلعب لحونٍ بيّـــــــــــدت كل لاعوب
والشاعر اللي راحته شد الأعصاب
مجبور يودع رخو الأعصاب مكروب
عقب يتروح وأسود الليــــل ماشاب
مرواح مزنً يشعــــــط القاع حالوب
مرواح من ياراح تتليــــــــــه عزّاب
ينكف يجوز للعزب بأم دبــــــــدوب
ينكف بوضح القوم عن عون الأقراب
كم ذود مصلاحٍ تولاه منهــــــــــــوب
قل وين نسري وأعتجلك بتـــــرحاب
ياللي تبيّحني تقل راس مشـــــــذوب
وأدق لك دقـــــــــــــات من دقة حجاب
ساعه يبي شوفه على القرب بسلوب
بس أشهلوا سعدون لايرثي عقـــــاب
عن شايحاته سايفوبي بلهبـــــــــــوب
وعن سرح مثلك ماتنويت معــــــزاب
والسهر هفف هتمة النوم عرقـــــوب
قم شلني على مشاهيك ياعقـــــــــاب
يالمصمد اللي موقعي فيه دغلـــــوب
عوفتني لمجردة عين الأقـــــــــــراب
من حين شفتك للخوافي تلسكـــــوب
قمت أتخثع يوم نور القمر غـــــــاب
ولاشوف نجمًٍ عاظني فيه وبنـــــوب
وش جاب بين وبين بالوصف وش جاب
خطلا الصخى تفرق عن الكف عظوب
والليل لأجل العيـــــــن تلبد بالأهداب
وملباد عيني يلفح بــــراس شنخوب 

منصور حواس الخضع

على هوى شف ن ورى العوج غلاب

على هوى شف ن ورى العوج غلاب
يجيــــــك ياجا للمـراقيب مســحــوب
صغتــــه بعد ذكر الولي صوغ ذهاب
ثقيل يرجــــــــــح بالموازين مقضوب
شحته مع الغربـــي من القلب ينساب
لك يالذي لقيت بـــــــك شف مذهوب
خذ ماترى ياملتقى كــــــــل الأسباب
اللي ترتّب كل أبو عــــــفش منكوب
لقيت بك مفقودتي بأرض الأصحاب
لمس الجروح إبلســـمٍ عوز معطوب
ولقيت بك عن عورة الفهـــم جلباب
ولقيت في سوقك لشكواي مجلـــوب
إنحى وكم ينحى عن الكيف شــراب
وغربيّــــــــــنا عشىّ هبوبه ويادوب
يادوب ياقوس القلــــــن جاك لعاب
يلعب لحونٍ بيّـــــــــــدت كل لاعوب
والشاعر اللي راحته شد الأعصاب
مجبور يودع رخو الأعصاب مكروب
عقب يتروح وأسود الليــــل ماشاب
مرواح مزنً يشعــــــط القاع حالوب
مرواح من ياراح تتليــــــــــه عزّاب
ينكف يجوز للعزب بأم دبــــــــدوب
ينكف بوضح القوم عن عون الأقراب
كم ذود مصلاحٍ تولاه منهــــــــــــوب
قل وين نسري وأعتجلك بتـــــرحاب
ياللي تبيّحني تقل راس مشـــــــذوب
وأدق لك دقـــــــــــــات من دقة حجاب
ساعه يبي شوفه على القرب بسلوب
بس أشهلوا سعدون لايرثي عقـــــاب
عن شايحاته سايفوبي بلهبـــــــــــوب
وعن سرح مثلك ماتنويت معــــــزاب
والسهر هفف هتمة النوم عرقـــــوب
قم شلني على مشاهيك ياعقـــــــــاب
يالمصمد اللي موقعي فيه دغلـــــوب
عوفتني لمجردة عين الأقـــــــــــراب
من حين شفتك للخوافي تلسكـــــوب
قمت أتخثع يوم نور القمر غـــــــاب
ولاشوف نجمًٍ عاظني فيه وبنـــــوب
وش جاب بين وبين بالوصف وش جاب
خطلا الصخى تفرق عن الكف عظوب
والليل لأجل العيـــــــن تلبد بالأهداب
وملباد عيني يلفح بــــراس شنخوب 

منصور حواس الخضع

لك القصيــــــــد بكـل صـادق معانيـه

لك القصيــــــــد بكـل صـادق معانيـه
مـر الصحيـح ولا حـلاه الخيــــــالـي
كيف أتخيل أشهـب الكـذب أو ليـــــه
والواقع معشعش على غصون حالـي
الواقـع أسمـى وأرتهيـت بتساميــــه
ويانشت رسـوس الخيـال إرتهالـي
يجهش بقفـرآ ماتخنخـن قوافيـه
مـع أولاتـه روكـبـن التـوالـي
إتروكب المـزن بخطـاة الرهاريـه
دلآ يـصـخ الهـامـده بالـزلالـي
يقعد صوابرها عقب حلـب صافيـه
وتخضر له الجردا بشهـب السهالـي
ماهـي طباطيـب ن تعـدا ولافيـه
ترعـد وبارقهـا سريـع إشتعالـي
ماطشن اللـي يدهـن القـاع بمويـه
وراحن شتات من الهبـوب الشمالـي
ياصادق المعنـى وشاعـرك كافيـه
صدقه مع الـذات بجميـع الحوالـي
وجمهوره اللـي بالسنيـن إمتعديـه
ولآ مطانـيـخ الـقـروم العيـالـي
ماملـوا الشعـر الحزيـن ومراثيـه
وطالـت وأنـا طولتهـا بالطوالـي
سرمدت مايكبـى بصـدري وأخفيـه
كتم الدخـن منـه النفـس ماهيالـي
لو عوده أزرق وأزرق العود غاذيـه
كتمه تظايق بـه صـدور الرجالـي
ممـا أقاسـي ينكتـب مـا أعانيـه
ومما يسلينـي طلـع قـاف سالـي
الضحك مايطلع مـع اللـي يسويـه
إذا بقلـبـه للهمــوم إجـتـوالـي
ولاتحشر العبـره بصـدر المداليـه
الدمـع مايـذرف علـى الهملالـي
يسقينـي الواقـع مـراره وأحلـيـه
من شان غيري من حـلاه يحلالـي
ماني مكدر خاطـر ن حيـل مغليـه
لـه إيتضاعـف حيلتـي وإحتيالـي
الله يقدرني علـى رضـاه وأرضيـه
مشفي غليل ومرخـص ن ماغلالـي
المشتعـل لـه فـي دياجـي لياليـه
ممنون لـه ومطمـن ن كـل عالـي
ياصاحب ن ماينلحق طيـب ماضيـه
بالمقبلـه مـن كـل سـودا ليـالـي
ماينلحـق فضلـه بـدولار وجنيـه
ولو يرعفـن خشـوم زرق الريالـي
ياما لـه بقلبـي عسـى الله يخليـه
وداد مـاهـو بـالـوداد المثـالـي
وده منهنـه بالضميـر وكراسـيـه
الله حسيبـي كـان بالـغ مقـالـي
يالله عسى ردي على طول لـه إيـه
دعـاك عبـدك يامجيـب السؤالـي
ياطالب ن شعري لـك الشعـر أنقيـه
عن مايشوبه مـن خلـل وإنحلالـي
شعر ن ينقه سامـع الشعـر تنقيـه
يـزول قصـاده وهــو لايـزالـي
ياطالب الشعر الثمـن قـول عطنيـه
وأنـا علـى عطنـي أقـدم حلالـي
نفضح لـك اللـي دايمـآ مانورايـه
كما تـوارى فـي صدفهـا اللآلـي
إنتاج راس ن ناصع الثلـج كاسيـه
ويصلا الجليد ولابعـد ذاب صالـي
شاعرك شـاب وشايبـات ن أمانيـه
مانـال منهـن حاجتـه بالمنـالـي
مليـان بالـه ماشلـق لـه مخابيـه
ولاظـل مايسـوى بملـي الخوالـي
ماعاد يسـوى مانراجـي ونرجيـه
ألآ رجاء التـواب حسـن العمالـي
يسند بحال ن حـادر ن وادي التيـه
يشـرف بهـا للشايحـه بالعـلالـي
ويبصر بعقل ن سالك ن خط معميـه
ولايتكلـه مـن لاعليهـا إتكـالـي
مايتكلـه للنفـس تقلـع مضـاويـه
رده إلـيـك بقـدرتـك والجـلالـي
وخذ ماتـرى ماللنـدى كـود لبيـه
وأكبر خطأ بالنقـد ستـر الخمالـي
والثالث الثلـث الأخيـر ومحاريـه
وقت العبـور مـن الثقـال التقالـي
جوآ يجيـب منقـرح القـاف مخيـه
يجيـب بكـر المفـردات المتـالـي
ماجاب خطو اللي عسى القوم تقنيـه
عـن العذايـف للخيـار إنتقـالـي
دنيـن جرسانـه بحالـك دياجـيـه
يطري لـي اللـي قبلهـا ماطرالـي
لحون ذيب ن ماطلع هيـك أغانيـه
ولاجر ملحونه علـى فـراق غالـي
غنـى رواديـد المغنـي محانـيـه
وأسهم عقب ذب اللحـن وإستزالـي
(ممـا وراه ونـوب ممـا يـوازيـه)
سبـع الجـوي يروشهـا بالتتـالـي
على لحونه والسبـب فـي مساريـه
والكون عامر ياخلـف مـن غدالـي
كم راح به شخص ن لك سنين ترثيه
مازال حـي وداثـر العظـم بالـي
ركن ن يذري شاكـي البـرد يدفيـه
وياصنقرت بالقيـض مـد الضلالـي
ياما غدا اللي يجـرح القلـب يدميـه
والباقـي أعظـم بـإدراج المحالـي
والوقت شيـن ولابقـى فيـه ترفيـه
والـراس مـال بوقتنـا الراسمالـي
وكم راسمال ن خرب طبوع راعيـه
وكم راسمال ن ذاخـره راس مالـي
وكم واحد ن ماحد ن سلم من مزاريه
ماشيـف هـل ويبتـرم للكمـالـي
ملقوف يوزي بك على كشف غاطيـه
مهفتـج ن شـره وشـر الصمالـي
وكم واحد ن تالـي زمانـه تواجيـه
عاقل خفيف أصفر حمـر برتقالـي
أحيان ماجـا بالصحيحيـن يرويـه
وأحيـان ماحـرم يبيهـا حـلالـي
وأنا معك يامعطـي القـوس باريـه
لكم تجـي مـن دون قولـة تعالـي
صونعتها حسب الطلـب والمشاريـه
وأشرفت عقب أصبح لي الصبح عالي

منصور حواس الخضع

ماني ملك ياصاحبي ماني ملــــــك

ماني ملك ياصاحبي ماني ملــــــك
أنا بشر ياصاحبي بس أسألـــــــك
بالملك القدوس والحي الســـــــلام
وش أزعلك ياصاحبي وش أزعلك؟
وقبل الاجابه بعد آنف هالســـؤال
بالواحد الرحمن والنور المــــلــك
ماعاد لي رغبة صداقه ياصــديق
من أجل ماغشّك ولايبرم فلــــــك
دعني وشأني في سمايه لاتحوم
أباأمسح رقومك ولالي ما إلــــك
عن لاتقول أني رأيت ولاحكيــت
وديعك الله يابشر ماني ملــــــــك

منصور حواس الخضع

أروح بأسباب الذي سبته جيــــــــــت

أروح بأسباب الذي سبته جيــــــــــت
ياذا الوطن لو رحت أنا ماتريّحــــــت
مفقود أو ماني بمفقود عانيــــــــــت
لكني بحمد الولي دوم سبّحـــــــــــت
وأزهم وحيد القرن وآقول خرتيــــت
ولاغش أنا الذابل بقولة تفتّحـــــــت
للي بقى بالعمر فيما تعديـــــــــــــت
للي ضحك لي أحضر الضحك مانحت
وأشطح لكم في جوكم ماتعصيــــــت
مع المطبّح دون منقود طبّحـــــــــت
ولاّ فأنا بالشايحات أستقليـــــــــــت
وأن جيت أحد عن لاتصنّت تنحنحت
باسمي ولا في مستعاري تقفيـــــــــت
وللمقبلين بكل ذمــــه تنطّحـــــــــــت
وهي هكذا وعن الوفاء ماتخلـــــــيت
ياجا اللزوم بلازمي ماتميّــحـــــــــت
واللي يتعفّرت بي يداويه عفريـــــت
شرّه على محيف الصفا ينحته نحت

منصور حواس الخضع

يـــاصبــــاح الخير يابرجنا العاجي

يـــاصبــــاح الخير يابرجنا العاجي
ياعســــــى تفداك برجً بـــه الورقا
الحمامـــــه نوحها سبب إزعاجي
كن جرتهــــــــــا لحن يامل الفرقا
ياخلوج الورق والقلب مخلاجـــي
مـار هاتيني وأنا جيت يازرقــــــا
بلغّي سكان الأبراج بإنتاجـــــــــي
لو لهم سلّم وأصنصير مانرقــــــا
الوفاء كلمه وأعيشه بمنهاجـــــي
شاهده عرشه على السابع الزرقا
مركبي ذمه بتشكيك الامـــواجـــي
بالرياح العاتيه تكثر الغـــــــرقـــا
تعبر الذمه مع الله وأنا الناجـــــي
عن طلاسيم المراسيل والدرقـــــا
نفسي اللي تقلع إقلاع ميراجــــي
مار واسمها من الغوش كم عرقا
ودهم كاسر من القلب مزلاجــــي
كيف أبيع الرافيه وأشري الخرقا
والمتين الماله مهيدي عواجــــي
مار كنـــــه بسة المطبخ البرقــــا
مايسبب شيـــن الألفاظ بإحراجــي
كنه اللي يلــزمه صــوت ياترقـــــا
يادبل كبدي صفقتــــه بكرباجــــي
لين مايدري عن الغـرب والشرقا

منصور حواس الخضع

يامساء الخير يالخيـــــر وتصابيحـــــه

يامساء الخير يالخيـــــر وتصابيحـــــه
ياسمـر حال تسمر حال تسمــــــــــرني
أسمــرينـــــــي بجمر السمر ترويحــــه
مخطــر الود عن شلعي يمسمرنــــــــي
وأنحفــي حال تفدى حال يالتيحــــــــــه
حال مـــن حال وإستيحال تشقــــــــرني
عاذلي يـــــقفل وجوّى مفاتيحــــــــــــــه
عاذلي فيك مثــــل الثور أبوقرنــــــــــي
ياإنبثاق الصباح وطهــــر تسبيحـــــــــه
ياأساس ن عليه الود عمّـــــرنـــــــــــي
ناطحات لسحابي في شواليحـــــــــــــــه
كم تكثّف بخار الشوق وأمطرنـــــــــــي
جود وجدان وجدي يامصابيحــــــــــــه
كل ماجيك حالك حال تبهرنــــــــــــــي
يابلاسم ضميرآ لك تباريحــــــــــــــــه
كيف أجل وأنت عن ماهوأنت داقرنـي
كيف قلبي عطا للغير تصفيحــــــــــــه
ماحسب بالغلا الثبّار يثبرنــــــــــــــي
أسمرآ من قبال الملح مرزيحــــــــــه
له أجاوب عليك الشوق يأمرنــــــــي

                                     منصور حواس الخضع

بادن بديت بعليم بكل مشيوله

بادن بديت بعليم بكل مشيوله

نيت ضمير ن بخافي سد شايلها

انا بذكره عن الزله بمااقوله 

يهديني الله قبل تطلع واعدلها 

هاذا وانا بادين في راس مشهوله

شيخت مراقيب جل اللي مشهلها

بادن بلاهه عسا الوسمي على حلوله

يملا الخفايا خباريها من رجلها

جذيبتن فوقها رجم ن هاذا طوله

قديم ياعي عضام ن ذاب مفصلها

مزموم ملموم شايح مسجده حوله

له نسمت ن من خلول الغرب ينسلها

لاهه دوا للصداع وهي بنادوله

بها المشاحين عن شحن الزمن تلها

لاجيتها والقريحه شبه مكبوله

حلت كلبشاتها من دون تكفلها 

قريحت ن نبعها للجن عاقوله

واخاف يارد لها رهطن يهرفلها

تنطحت نسمت ن من دير معلوله

مشق سمري لها من غرب يرسلها

وقامت تحن بضميرن ضايق ن جوله

تنقض مكانينها اللي غصب تقتلها

حنين هاف ن شبط راعيه حاجوله 

يعول بثاني وراحاته يزاولها

على طهامة زمان ن شد مرحولــــــه
أقفى بقوم ن يشيل الحمل كاهلهـــــــا
أقفى بهم هادم اللذات وخيولــــــــــــه
لابد كل الخلايق مايتسفّلهـــــــــــــــــا
من عقبهم قمت أجاوب صوت مشعوله
بذّت خفى النزل الأكبد في تعاولهـــــا
ياهجرعت عقب هرش ن حاميآ شوله
أبكت ضميرآ بخاف الولف دللّــهـــــا
مالوم عين ن على فرقاه مبهولــــــه
ألومها لو بعود الميل تكحلهــــــــــــا
حلّت ضميري مرافه حل صامولـــــه
من عبرة ن مع عتيم الليل تهملهـــا
مرحوم ياللي يمينه حاشت الطولـــه
مرحوم ياللي دروب الخوف يدهلهــا
عاش بنقى وأرتحل عليان برجولـــه
يكفيه كافي كفالات ن تكفّلهــــــــــــا
فاعل ولاغير فعل الخير مفعولـــــــه
يفعل وإذا قالك يفعل ويفعلهـــــــــــا
سيف الفراغ برحيله سل مصقولـه
حيثه كما العبقري بالعالم البلهـــــا
 

منصور حواس الخضع

مدح ن سرى برقه بنا وأسرف إسراف

مدح ن سرى برقه بنا وأسرف إسراف بأم الطعم والنكهه الـواقعيــــــــــــــــــه ماشاقني واللي منــزل للأحقــــــــــــاف ماقلت عزك لو سحابك عليــــــــــــــــه والحمد للي مودع ن قاعي أريـــــــــاف من ود ربع ن كلهم لي سميــــــــــــه أعزهم وأرقب لهم راس مشـــــــراف وأجيب طبلوني لهم عنصريــــــــــــــه وأنا بمكنوني لهم حيل شفـــــــــــــاف ودي بشعري ماعليهم خفيــــــــــــــه وعن الغرور أبرأ الى الله بميقــــــاف تصّطف بـــــه للرب كل البريــــــــــه                                       منصور حواس الخضع

هيّض المكنون صورة جمس رايــــع

هيّض المكنون صورة جمس رايــــع
تالــــــي أحداث المطانيخ القديمــــــه
شايع لقلبي وأنا مابي مشايــــــــــــع
وأنا بأحداث المطنّخ باللئيمــــــــــــــه
أنا في دورآ يماشي كل مايـــــــــــــــع
ويتمايل بالنشاما المستقيمــــــــــــــــه
فيــــه من يتهمك في شين الطبايــــــع
مار ذاريها ذري فيك الشتيمـــــــــــــــه
ولو نشدّته وش عمل بك من فظايع
لاتحرأ عقب سينك منه جيمـــــــــــــه
لـــــــن ماعنده سوى كيل الذرايـــــــع
بوح مايخفيه في داخل صميمــــــــــه
إشطحوبي يامغنين الروايــــــــــــــــع
دلّهوني يامدلّهة الكظيمــــــــــــــــــه
والله أني مستدل ن غير ضايــــــــــع
وآتغيدى وأبني حظوظ ن هديمـــــــــه
أشبعوني بالغثاء اللي منــه جايـــــــع
كلها تقبيـــــــــح للذات الوسيمــــــــه

                                                   منصور حواس الخضع

يامل قلب ن هوى عذب اللمى لاعــه

يامل قلب ن هوى عذب اللمى لاعــه
لوع العقاب أن خبط نادر شياهيــــني
جا منحدر من سماه ومن قمز صاعه
طير الحباري فراه أسود جناحينــــي
على التي للواتي هزب مخــــــراعه
تشــرف مراقيب وأحيانآ تدهدينــــي
لــو أسمها فعلها ناديت فداعـــــــــه
مار أسمــها ماوراه ألآ الفريقينـــي
ماقبلهم كــود وسم صليب مضباعه
قبل الفريقيـــن توسم لك صليبينـــي
قدت ضميري وأقول السمع والطاعه
قد التركتر ليا قد الفدادينـــــــــــــــي
بنت الذي حصل الشيخه من ذراعه
بالهاشميه وبالنخله وسيفينــــــــــي
توحش ضميري غلا وتشب ولاعـه
شبيت لاسامح الله من يطفينـــــــي
هاذي سنى نارها للقلب مرباعـــه
ياولعّتبي تقول الغيم يسقينــــــــي

                          منصور حواس الخضع

يارجل سوجي للفرح والتعـــــــــــــازي

يارجل سوجي للفرح والتعـــــــــــــازي
أمضي بي بدرب الشرف والمواجـــيب
البارحه مابين منكف وغــــــــــــــازي
وأرمي بهاعن سيحة البال وتصـــــيب
لقيت بالخلق التنك والغــــــــــــــوازي
فيها الكآبه والعزى للمكائيــــــــــــــب
وفيها الذي بأسوا الظروف إنتهـــازي
وعن وقفة اللازم يبي داس طرنــــيب
وفيها عن الواطين روس النــــــوازي
اللي مواقفهم بالأجسام والجــــيـــــــب
لهم أنجبر مهما تطشّر قــــــــــــــزازي
وآطى على أم جنيب وآطى على جنيب

                                                   منصور حواس الخضع

مساجله بين منصور حواس وصبيح عبيد

منصور حواس
تراحيب عذب السيل ياصبيح بن عبيد
هـــــــلا يالرفيق اللي بعيدآ عن الشكه
سوى أجيه مع لي سيد أو عاكس للسيد
فلا شــك بي مذهوب الأعمال في شكه
بعيـــد وذبحني بعد ميده بعيــــــد الميد
دوى راسي اللي به مروّس ودربكــــه




صبيح عبيد 
يدوم البقى بالصاحب اللـــي غلاه يزيد
وغلا غيره من الناس سحسل مع السكه
بعيدات ن شبوحه بياضــــه كما الجليد
الينك ليا احتجته فلا يـــــــــــدور الفكه
يداوي جروحك كان جرحك يبي تضميد
يجي كله ان وصلت والاعـــــواد محتكه



منصورحواس
لــــــــعل الــردي يفداك والفاتلين القيد
جموع الروابع ياأبلج الصبح مصطكه
عوايـــــــدك عن بعض أنحداراتنا تسنيد
نبــــــــــي رجمنا اللي ماطويناه ببلكه
طويناه في صلد الصخر ماقضى تشييد
مضى عقـــــد نقضي به تشارين بالدكه



=========================================================
يامراحب يالصحيب الغالي ... يامراحب بأولي والتالي ... كل ماجا حرفك بموالي .... ردت الونه بصف الونه
منتصر يالمنتصر يالفايز ... حرف قافك في زمانك عايز ... وغير قافك صار ماهو جايز ... قلتها مالي بدرب الكنه
خذ من اللي قافك يصفق له .... يحترق به هايم ويحرق له .... كل مره هاجسه يصلق له .... صار بضلوعه لقافك حنه
يالبعيد اللي صحيح قريب ... يالفليح الصيرمي يالطيب .... حاضر ان صار الردي متغيب ... بك صحيح ولا بمثلك لنه
هات قافك هات ياخو عشبه ... عطني اللي خاطري ينعش به ... عطني اللي تنثره واجهش به .... افرده على الهبوب وثنه

صبيح عبيد

مرحبا ياللي ولابك ذارب..كود تدسيم اللحى والشارب..أشهد أنك تصمد المتوارب..يامروبعها على الترفنه
عشت لاعاش الردي والبايه.وأبو صنف ن كنه الحربايه.وأبوحط بخرج والحكاّيه.لك ندن اللي سبق مادنه
يالعشير وياربيع محولي .ليت دارك بالمنازل حولي..كل ماهوم السفر ماحولي.عقب أجاذب خافي المكتنه
دونك اللي حسب جهدي دونك.أنت ياللي بالوفاء مادونك.مضفيآ باللازمات ردونك.مار مش القوس فوق الشنه
دله اللي بيدّوه وبادي.حولوه وهو برجمه بادي.ينتهي لو كان دوبه بادي.مافسق مع عالم ن مستنه

منصور حواس

مساجله بين منصور حواس وصبيح عبيد

                               منصور حواس

أهلآ هلا ومن بعدها جاك منصور
ترحيب يشهل بك وترحيب يرجدك
أنا الذي في رظختك حيل مجـــبور
حتى ولو تستسلم وترفع ليـــــــــدك

 صبيح عبيد

يامرحبا بك ياعشيري على الفور

ترحيبه بكـــــف ن قبل ما ننشدك

ومن بعدها يـــاصاحبي ليه مقهور

ياخي على قولة شرار انت وش ودك

ان طعتني جنــــب وخلك مع السور

ولاتلتفت يمــــــــــي تراني أللمدك

مالك معي عيشــــــه وطبخه وتنور

دور لك دويفير واطبــــــخ وله دك


منصور

لاياسمي النور يالصبــــح يالنور

ألحق تعال وياعسى الرب يسعدك

ودكيت لي دافور ياوي دافــــــور

والكف به كفكير بالراس يصهدك

أهلآ هلابك ياعشيري على القـــور

النايفات الشايحه هي مقاعــــدك

بس أن صفقتك مالدعواك دكتور

تروح تنزف ماتجــد من يضمدك

صبيح عبيد

ياصاحبي لك خاطري دوم مأسور

يشفعلك ان كل المواقف تمجدك

طيبك جبله بالملا صار مخبور

من طيب جدانك وخالك ووالدك

لكن اشوفك نوب مزهو بغرور

يال العجب كثرة قوافي تهددك

كملي وانا لك منبع العلم والشور

كليت تعليمك وقررت اب اجلدك

لأنك بليد ودايــــم ن عايد الدور

ماينفع التكرار ماكــــن تبللدك


منصور

وأجيك يامعدّل بالأوزان مكســـور

أبا أصفد جنونك وأكمخك وأصفدك

عزالله أن اللـــــــي يجافيك مثبور

ياشين هبّــــر هبرة القلب بأجردك

بس أجرده سله على غادي الشور

ياروح روحي وإن تلاقحت نصعدك

تمرج ليامــــــــنا صعكنا ودستور

من مخلب عقاب ن مشنّكر ويمردك

وشعاد لو نجرك فلاهــــــو بمنجور

ندحك هو اللي ياأسرد الزول يقردك

قافك غلث عودآ قبل كان مسعـــور

توه لقى كيفه معك قام يكــــــمدك

يالصبـــح يفدى خشمكم كل دنقور

بوسه علــــيه وعقبها يدك أقلدك

صبيح عبيد 

وافرك مبطي يابن الاجواد موفور

عن شذرتن حوض المنايا توردك

مسمومةن تضرب على اعداك بنحور

وإلا انت نفخــــه بس تكفي تجمدك

تبرك مكانـــــــك لاتغادر ولاتثور

تطقك ام الصوف من هول مشهدك

واللي معك يوحي فلا يقرب الدور

ذاك الذي مغويه ندحك و شددك

انا ليا مني نويت احفر قــــــــبور

ماعندي دقون وشوارب معاهدك

هذا كلام اللي تقل صف طابــــور

جنن تحاكي بعضها في شواردك

مسطورة ن تقطن على القاع بقعور

تشرب هوى وتقزدر الوقت بامردك

منصور

ماجاك حطوها بدل جاك منصــور

بيّبدتني والنيه أني مبيبـــــــــدك

ياحافر ن قبري مجازى ومآجور

ذبحتني عجزت حتــى لااشاهدك

عقب أحيا واتل حلقك من الزور

وآخذ بواريدك وتنصـــل مجاندك

آمنت بالله غصةن لــك بحنجور

بدّي قبل قطع النفس منك أزهدك

ياخيار هذا اسم الدلع وانت عجور

تبـــــي الحقيقه يعجبني فرايدك

تبي الحقيقه تخصب بقاعي البور

تبي الحقيــقه بالضماير مساندك

تبي الحقيقه ياحبيبي بك اطيـــور

هدهد وانا عقابي مزر كبد هدهدك

==========================

صبيح عبيد

السالفه شبك ومشابيك واشواك

ومــوت ن حمر مايسلم اللي يمره

ساحه بلش ومصادم وعرك وعراك

واقــول جعل الرب يكفيك شـــــــــره

منصور

والســـالفه ربك يداول للأفلاك

والغيب مابه غير ضر ومسره

ودي اليـــا شفتك أبادل حكاياك

وأدلّع بــــودّي ولاحدآ يـــــــزره

عارف وأنا عارف لكم شفت معــروف

عارف وأنا عارف لكم شفت معــروف
والكل كل الكل بالكـــل معـــــــــــــروف
لي مذهبي عن مذهب أخوان معــروف
والشعر ياعارف يوضّــح نزيفـــــــــــي
نزيفي اللي شاب قافه ولا ســــــــــــب
لو يلسبه من بعض الأدنين لاســـــــب
دوم أعتذر وأوؤثر على النفس لاسب
حتى بدى لفظ الخزى بالعفيفــــــــــي
عفيف من ربي خلقني ولا بهـــــــــت
ولا غديت بغيّهن أو تبـو بهـــــــــــت
بالبهبهاني في حمادي تبــو بهــــــت
وأغضي عن الناعم وجنس اللطيفي
لطيف ماشاق العيون الشـــــــــروده
تشرد عقب شوف العنود الشــروده
تشرد لوجه اللي يرى للـ الشــــروده
الواحد العلام طمل ونظيفـــــــــــــــــي

منصور حواس الخضع

الوفاء دمع ماهو دمع تمساحـــه

الوفاء دمع ماهو دمع تمساحـــه
هلّتـــه بعد ماتآكل فريستهـــــــــا
الوفاء قير وآخر همه الراحــــــه
الوفاء ماضيآ له بنت ساعتهــــا
الوفاء قلوب وقت الحزن مزاحه
لأجل تستبدل دموعك بضحكتهـا

الوفاء عرق سامي يابو صنداحه
تبتره كنةن باحت ظغينتهـــــــــــا
الوفاء خوصة ن للحيف ذباحـــه
مـاتحز الظهر بالغدر شفرتهــــــا
الوفاء كل مازاد المحل واحــــــه
الوفاء فزعة ن جت وقت حزتها
الوفاء سر عمق البير ماباحـــــــه
كود للازمه في يبس بخرتهـــــــــا
الوفاء لطفلتك بالعسر روجـــاحـــه
يشتري ضحكها من سوق عبرتهـا
الوفاء كلاش الأعزل عازة سلاحه
أنتخابه عقب ماهو بسالتهـــــــــــا

                                                 منصور حواس الخضع
                                                           

غضــــــــــــــي علينا سيحة البال غضي

غضــــــــــــــي علينا سيحة البال غضي
وأغضي بخرس ن ناعســات ن غواضي
وغيضي ورضـــــي بس غيضي ورضي
مغتاض منك ومنك أنا منـــــــــك راضي
هضي من جبال الرهيفات هضــــــــــــي
لاتقهرين الضاميه عن حياضــــــــــــــي
أني بعيد وممتلي وإمتفضـــــــــــــــــــي
إني على طار الجبل مستهاضـــــــــــــي
أبدع بياض ولضي بحق لضـــــــــــــــي
لدي نظرك ليابسات اللحاضــــــــــــــــي
المشرف اللي مرقب الجال حظــــــــــــي
يبقى الرفيع اللي يحب التراضـــــــــــــي
خشن الرهيف بشايحــاته يجضـــــــــــي
قبل وبعد تلك الثلاث الغـلاضـــــــــــــــي

                        منصور حواس الخضع

الشقــوق اللي لها مل الخيـــــاط

الشقــوق اللي لها مل الخيـــــاط 

تنتقض بعد الخيــاطه مع مخيـط 

سببت بعد القنوط الإنحــــــــــــطاط 

حيث لا مخّـــيط ولاخيط ن يخيط 

والمذاهب مثل مذهب جــــــــنبلاط 

طبخة ن مار اقصروا عنها تشيط 

للحـــــــروف أحيان ماحط النقاط 

منجبر وأرضــــالها وضع اللقيط 

لاورق في شفّـــــــــها ولاقيراط 

مخلج ن تطنب مـن الخلج وتعيط 

والعمود الشوف دونه به غطاط 

طافح ن شـوفي تلول الخيط بيط 

والزعول اللي مع عقول البلاط 

بين صبيـــان البلاهه له عطيط 

نظمهم عـن عاشقين الإنفراط 

مالــهم ذمه ومركين النحــيط

والعـيون اللي تقل فيها حماط 

السـبب عقب المشاريف الهبيط

منصور حواس الخضع

ياسهر عيني من الخصر النحيل

ياسهر عيني من الخصر النحيل
عذّب القلب الشقي قبل العــذاب
طال ليلي والسبب هاك الطويـل
ضيّع بطوله طويلات الرقــــاب
خدها برق ن بعيد وله نخيـــــل
شاقني ضوحه ويذهبني ذهــاب
بنت قوم ن بأسهم شق الصميل
عمّرتني دمّرت تبني خـــــــراب
ماتجمّـــل بي جماله ياجميـــــــل
مــــــــــــاتعالج بالعيون الإلتهاب
عن سموم الصيف ذعذع بالعليل
بالبراد وبالرذاذ من الضبـــــــاب
أسق عطشان المزاج السلسبيل
لين يروى من رهيفات ن عذاب
أكحل عيوني بشوفك ياكحيــــل
انت ياخير الجليس من الكتـــاب
ياضماء الشاعر من الشعر الجزيل
أعذب الشعر أكذبه مثل السراب
تضمـحّل أفكار من كنّه يسيـــل
مايلامــس بالمجاريح الصواب
مار أنا العـــابر سبيل بلا دليــل
مآخذآ عن أعذب الشعر إنتداب
وأعذب الشعر أصدقــه شوب وصليل
كنه العبره فرح ولاّ مصــــاب
ياسنابل غير عيدان القصيـــل
أشبعي سمع المشاريه الرغـاب
طافحنبي لي شهور البردويـــل
من حقوق الصادقات من السحاب
مضفي ن فوق المدمّاه الشليـل
صايبتهــــا الغرغرينا بالعيـــاب
هاتم ن شعر المطانيخ الأصيــل
عن رثاء بندان شغلنــــا ربـــاب
أخفي الدمام وأظهر للجبيــــــــل
عن تواصيف البواشك والعقــاب

منصور حواس الخضع

هجيج للدو البعيد الخالــــــــــــي

هجيج للدو البعيد الخالــــــــــــي
عن شبكات العنكبوت الشينـــــــه
عجزت لا أقهر عن عياها حالـــــي
وصرت لحوادث سيرها التأمينــــه
هجيج مع سيحان سيحة بالــــــــي
الجمس صوب أسود صخر مسهينه
عن كل إبن ولد قليل الوالــــــــــــي
شجاع والغشوه عن التبيينـــــــــه
شجاع نت وغيرها مايوالــــــــــي
له شارب ن لو أقضبه لاهينـــــــه

                                                    منصور حواس الخضع

خليل ياضامي وفا هات الورق هو والمــداد

خليل ياضامي وفا هات الورق هو والمــداد
والله لأغني لك وفا عن روحي ومكنونهــــا
والله لأفرّغ شحنتي عن البياض من السواد
يوحونها يوحونها أو عمر لايوحونهــــــــا
راحت وجات وعوّدت مايذري الجسم الكداد
والحنجره مادونها والحنجره مادونهــــــا
ياكود كف ن مخلبه يمزر معاليق الفــــؤاد
من دون حلقي ياولد أفنى ولايطرونهـــــا
الله ولاتال العمر أني أبا أقبل بالفســــــــاد
وأنا الذي غي الجهل في شايحة صعنونها

                            منصور حواس الخضع

ألآحيـــــــــيت ياباعث رميم الوجد من مثواه

ألآحيـــــــــيت ياباعث رميم الوجد من مثواه
تراحيب ن لها تبعث حروفي من نصايبهــــا
هلابك والسحاب اللي حلبته شاقني منشــــاه
كشف ظلما المعاني بالبروق اللي يعقربهـــا
فديتك بالضمير اللي يثمن كزة المشكــــــــاه
يعيش بجوها من حشمة الشكاي صاحبهــــا
قصيدك نكهة الماضي بطرقه والوفاء معناه
يرد الذاكره لأصفى سنين العمروأعذبهــــــا
سنين ن من تذكرها يعيش الوجد في ذكراه
ويقرا صفحةن يمعن بها من قبل يقلبهــــــا
قلبها الوقت بعصوره وحكمة من سما بأسماه
هي الأيام داولها *كفى الله شر غايبهــــــا
كتبنافي رضمها مايثبت كل ماقلنــــــــــــاه
على صمدآ السواد اللي وسمهاخط كاتبهـــا
لها عشرين عام وجيتها ياكنها العرقـــــاه
كما وسم ن يعرقا بخورها في صفح غاربها
يهيض اللي يشوفه ياتذكر ماضي عشنــــاه
ألآ ياليت ساعاته موقفةن عقاربهـــــــــــا
لذلك حط عندك ياعشيرن ساميه سيمـــاه
فلاأنسى خوةن ماعقدتلي في حواجبهـــــا
أعزك والمعزه قصرها بالقلب شيدنــــــاه
ولاني سائل ن عن خوتك وآنا مجربهــــا
تعيش ولايعيش اللي صداقتهم على المخباه
يساهم بالصداقه *وأن لقى الشراي يجلبها
تولوني تولوني ولاعارض وأنا مــــــوالاه
أنا موالي لغوش ن فعلها يرفع مراتبهـــــا
رماح العز والعوجان تقعد من ركب عوجاه
مطانيخ القروم اللي إميلةن عصايبهـــــــــا
فداكم *من نضب قرحه ويجذب والزمان أشقاه
جذب من قاصي المهجه يبادلكم غرايبهـــا
لبوتركي وأبوطارق تحية ود ومثنـــــــاه
عدد مايرجي الحاضر برجوى الخير غايبها
عدد مايركز البارق بعرض المزنه المرخاه
على قاع ن تجضع فرسها والريف عاقبها
يربع غيرها وأنحرمحلها وأصبحت مسفاه
بها ياما بها ياطيبها مهما نعذربهـــــــــــا
بطحت الجمس في صحصاحها وحجاب له ناناه
صواوين الفقاره كنها الدقه تجاوبهــــــــا
ألآياوجد حالي يازمان الطيش في غوغاه
ولامرت علينا المشكله والله يجنبهـــــــــــا
تشربت الحماد ومن عداه الشورعند إنثاه
إذا قلنا مشينا يعتذرمن خوف يغضـــــــبها
بها يامابها من سهلةن ياكنهــــــــا مسلقاه
سمهدانن معبدها الولــــــــي حمرآ مخضبها
يروح الشوف معـــها للسراب وياطفح خلاه
بعد ناداه رجـــــــم ن مستقل ن في جذايبها
طويل ن يزهم عــيون العقاب وكلكم شرواه
تعـــــــــــــــــلا مايحيط بديرته كنه يراقبها‏‏


                                             منصور حواس الخضع

أحـــــــــب أنا الطيب ولو ماله الدين

أحـــــــــب أنا الطيب ولو ماله الدين
كيف أن غدى من لابتي يابن الأخيار
كيف أن غدالي من حدى الربع الأدنين
ألآ ترى أنه خير ماكنت أباأخـــــتار
الطيب اللي شاخ خلقه مضاميــــن
متواضع صادق ن مديدب بالإيثار
إنه مع العسر اليسر بالقسى اللين
إنه كما السندى لنا بالتمـــــــحدار
ياخلف وين مدلهين المحازيــــــن
وين الذي مالاخسوا حرمة الجــار
وين الذي ياجا الدهر والمعاويــــن
جاك يتغّريف روضهم وصف نوار
لاوابي ألآ يالرماحــــــــــــي قليلين
وأكثرهم اللي دونهم نازح الـــــدار
ولاوابي ألآ يازلف منه ثلثيــــــــــن
شبيت عجزن عرقهن جوف الأقعار
وعمرت مايكوي عروق الشرايين
يجيك دخانه عقب هود مخـــــــــدار
وقمت أتذكر مامضالي وهاللحيــــن
والفرق فرق التبع عن طير غيمار
معقوله إني صح والغير مخطيــــن
ثابت وغيري صايبه وضع تغيــــار
مدري ولاحدآ في مثل هيك مدرين
يمكن يكون مسنّف الوضع كســـار
مار أني اللي ماشقـــــــته الملايين
ولاشقته الفخفخه والتمظهـــــــــار
لاوالذي يعلم بها بالمكانيـــــــــــــن
لأني الماشي لقصاف الأعمــــــــــار
على طريق الفانيه وين أبي ويــــن
سوى لبيت ن صار بنّاه حفــــــــار
العرض متر ولايجي طول مترين
من عقب مالا له نهايــــه بالأمتار
وعقب الرجوم المستقله حصاتين
وعقب وعقب عقب وعقب روض أو نار
والمنولد ألف وتسع عام سبعين
تم أربعين ومجهمه بات مغتار
ماعاد يزهاه الجهل والتفانين
وشوره براسه ياتعاين الأشوار
واللي بودي ياخلف يم جصين
دور مضى هيهات ينكس بالأدوار
هيهات عن هالحين ينكس هكاالحين
هيهات يجهش عد الأعمار يا غار
رعيت من تال الوناسة رعي عين
والجوع ما يغديه شبعه بالأنظار
يا عام أو هن كان كثرت عامين
قبل نشوف من المقابيل الأدبار
قبل يطفّف بالأصول الموازين
ويصبح لكل رويبضة ملسن وكار
وإتصغّر نمــــــور وتنّمر بزازين
ويبهتك يا راع الصحيح ألف قمار
وتضيق بأصحاب الفضية ميادين
ولهل السريب يزعفر الكيف ببهار
ياما حلا الفنجال عند النساوين
عقب العصر يا ساجت الرجل مسيار
ويازين حوف أبو شنب للمواعين
له دلةن يا صفّرت يدك والحــــــار
وعرموش يا ريف البديو المحيلين
ياطاح سوق الماشية والعلف طار
أنا معك وأكهف على ما تودين
تقنع وأجيك المقتنع والقلم سار
يا سار يودع رخم الأوراق لونين
من نيلته غب السمين من الأقفار
أجيك جمري واحسني مار بلبين
تسلك بعد ذلك طويلات وقصار
والمسألة بيت ركب فوق بيتين
تحريك لقهوةن برفقتها الأشعار
ما غير ذلك مار قلي إلى وين
وأسري معك لسهيل يا شب الأنوار
تبي عدن وإلا مهين وحوارين
أردف معك كانك تنويت الأسفار
وعن الجناح أبشر بخفض الجناحين
حشمة ولا قدرت أنا دون مقدار
ولا مدحت إلا عيــــــالا كريمين
ولا صطرت إلا بعد مآكل اسطار
لا أريد شين ولاحدآ بي يبي شين
وأغلب قصيدي غصب يكشف للأضمار

                         منصور حواس الخضع

خذ وخل يالقاري بعد حان مطلعهــــــــا

خذ وخل يالقاري بعد حان مطلعهــــــــا
عسى العج مايحجب شعاع ن به إلهامي
خذ الصاخنه وأخطم لها خل تابعـــــــــها
لك البال سج وهو على الجمس درهامي

يقول الذي مع خدها كف يصفعهـــــــــــا
على الحاضر الحاضر عن الشامي العامي
يتابع ولايتبع ومتبوع يتبعـــــــــــــــــــــها
غزير البحر بدماغي الزامي الطامـــــي
هبوب الشمال أم الهماليل تمزعــــــــها
تنسسم هواها يانسيم التسونامـــــــــــي
من الساس شاليهات الأشعار تشلعـــها
يدوم البقى والشاعر أكويه بالحـــــامي
فكم شاعرآ بس الأصابع يفـــــــــرقعها
يصيبه كساح أن جابه الحظ قدامـــــي
أفره وأبعثرها له ولايجمعـــــــــــــــها
وأجممع له اللي ماتجزأ بالأقسامي
وأحزه كما حز النياشين وأصقعها
ولا حدن يغزه ياتطشر وأنا الرامي
ألآ يامروبعها بالأسماع روبعـــــها
على جرة ن ملحونها يروي الضامي
وأدلعن لك اللي ماتدلعن وأدلعــــها
وأنا الهايم المغرم وأنا البايح الكامي
وأبوشوشةن ينفش لها حيل نصلعها
ومن شافني أمسه أشوفه هالأيامي
ومن حسسب حسابي من شهور هكعها
أخلي حسابه عام الأول عن العامي
ومن يحترمني تنخضع له وأخضعها
أصير الخبر وأخلي القرم دمامـــــي
صباح المساء بالخير بالشر طعطعها
مثل ماتقول أن اليمن نقرة الشامي
مثل ماتقول من الوكاله قرنبعـــــها
سمرمد سدى ماله مدى أيها الفامي
تريفع تويطا خيط يابيط شمعـــــــــها
طعمشق تشعمط لي شخيرآ ولانامي
سماهير سمهرها بها عظيم رفعــها
سلامي سلامين وثلاثة سلالامي
أنا آقول صح لسانكم حيل ما أروعها
يالإبداع ياذوق القوافي والأنغامي
دخيلك أبي صوره قديمه ووقــعها
تبسسم تنسسم يادخيل التبسنــــــامي
تجيبع تجربع جيبعوها وجربعهــــــــا
لك الصحف جفت بعد رفعن الأقلامي! شف الشاسعه والواسعه وسع شاسعها
ترى الأرض مازرعت دناميت وألغامي
ولاتمتحن عبدآ عن الشعط يرقعــــــها
ولاتجرح السامي ترى السامي السامي
ترى السامي اللي كل الأمرار يجرعها
سوى مرك التالي فلا له تجرهامـــــــي
تعيش الوهم والظلم والحقد وأبشعها
وأنا المبتلا بأبشع ظغاينك الأوهامي
فلو كنت تسوى كان أمورك مسنعها
ولكن ولاتسوى يابوحقد متنامــــــي
مسوي لي الديوان بأسمي تلعلعها
فقط للمسبه وأنت مخرج للأفلامي

منصور حواس الخضع

دستور ياللي بينتها الستايــــــــــر

دستور ياللي بينتها الستايــــــــــر
قلبي لكم رد الندى من صميمـــــه
يابنت أنا لجلك دفعت البشايــــــر
كانك على شوفي تسوقك عزيمه
مابي جمال إلآ جمال الضمايـــــر
نفسي عن دروب الرذايل عقيمه

                          منصور حواس الخضع

عذبتني نظرة ن مثل الــــدخالـــــــه

عذبتني نظرة ن مثل الــــدخالـــــــه
شرحها يصعب عليهم يفهمونــــــه
أنعطف قلبي محنه وأستمالـــــــــــه
صاحب ن ياشيب رمشي من عيونه
جرح قلبي والمغفّل مادرالـــــــــــه
جرح نزه ن بالرذاله يتهمونــــــــه
ومــل فكرآ يبترم مثل المحالــــــــه
فــوق عدآ للسحاب يقيّضونـــــــــه
ليـــــت فكري طق شيصان الوكاله
أو مثل لوح المدارس يمسحونــــه

                                                  منصور حواس الخضع

هــــلا مايفضح المزنه معقرب راكز البراق

هــــلا مايفضح المزنه معقرب راكز البراق
من أعماق الضمير اللي كنينه بينك وبيني
حنيـــنك جذوة المعني يولع جرمة المعلاق
إذا شـــــــــــــبت إبن أمه لك الله مايطفيني
وأجيـــــــك وباقي الدنيا على دنياه بالطقاق
وإذا هب البراد عصير رقيت وجاك تلحيني
رقيت الظلع وأقطف لك من زهور الجبل مالاق
وأدوّن لك بكشكول الحنايا صدق تدوينــــي
وأنا متفائل ن لو لج بإذني صوت غاق وغاق
لعــــــــــل غراب بقعا مايرفرف بالجناحيني
دخيلك عن حزن قرحي بقرحك صكني بطراق
دخيـــــــــــــلك سمني حزني دخيلك لاتبكيني
تجــــيـك بدمعة الجوال زرقا ن وجدها دفاقتذكر منهزم جيشي بقصة حرب تشريني

منصور حواس الخضع

مع شروق الشمس ياشمس الغروب

مع شروق الشمس ياشمس الغروب
خبريني عن طويلين الغيـــــــــــــاب
وأخبريني يانع ن بعده شحــــــــوب
ورحلة فيها ذهاب بلا إيـــــــــــــاب
وأخبريني عن نظيفين القـــــــلوب
وش بقى بأجسامهم تحت التــراب
ياعسى هاك الجماجم ماتــــــذوب
ياعساها في عدن عن العــــــذاب
وأخبريني عن غلام ن مايتـــــوب
وعن مطر من دون برق ولاسحاب
وعن مهوون في معاظيل الخطوب
وعن عمارن عامره تصبح خراب

أرشديني عن متاهات الـــــدروب
شمسنا ياشمسنا قبل الغيـــــــاب
ياكثر ماظقت من قبل الـــغروب
ماتفضى كود ياشاب الـــــغراب

                                   
                          منصور حواس الخضع
                                                                   

وأنا فدى اللي نام بالشايحاتــــــي

وأنا فدى اللي نام بالشايحاتــــــي
وأفداك ياغضاض من وين مانمت
نم وأرمي لخوة رفيقي عباتـــــي
حاشى يجيك البرد ياطيّب السمت

ياناقل ن للمجتمع مفرداتــــــــــــي
لك وأنت نايم يارفيقي ترنمــــــــت
يحرم على عيني لذيذ المباتـــــــي
مما بصدري ياعشيري تكوتمــــت

متى الفرج من وال الأقدار يآتــــــــــي
يالله وأنا طالبك تفريجة الغمـــــــــــت
صف العجاج اللي يكدر حياتــــــــــــي
اللي بنومي طالما به تحلمـــــــــــــــت

منصور حواس الخضع

                                                                             

ياعاليات القلب ياباح خافيــــه

ياعاليات القلب ياباح خافيــــه
ماللذي مثلي سوى شايحاتـــه
القلب مبطي منعزل مع هواديه
لو الحكومه نققبت برضماتـــه
ولافيه من كل الذي هاقيآ فيـه
بالصمت كل فازع ن في سكاته
ياسين من هذا المجال وتماديه
ومن الثماله فيه والإستماتـــه
ومن مخطرآ قلبي مع الليل يكويه
يانام من يآخذ رواتب خواتـــــه
وياجحيش يامشكاي ياعز ناصيه
دجلــــه مع النيل النهر مع فراته
وما لايغنى يابغينــــــــا نغنيه
ياجحيش جنحان النمل هن مماته
ياجحيش ينضح كل معدن بما فيه
ونضحك يدل أن العقل في سباته
قم ولع الشيشه عط القوس باريه
وقل للزمن لايازمان الهيـــــاته
عقيد غزوه نوب يرهن لآناثيه
لأجل يتهنا في توالي حياتــــــه
وغزوة عقيده نقرة الشام تشكيه
ياماهجد سكانها بالبياتــــــــــــــه
ياجحيش قم سو الذي مايسويه
كود أنت والهيل الطعم في نواته
أحرص تنعم طحنها هاك توجيه
أحرق لنا الحمسه نبي شايطاته
فنجال بوردنق الفرايد لك أوكيه
خشن ن تبكي للعرب مرهفاته
عليل قلبي مابقى من يداويـــه
طبه يقدون الظعن برحلاتــــــه
أقفوا كما غيم ن حلب كل صافيه
أروى خصيب القاع من مجهشاته

منصور حواس الخضع

محتاج ألج من القصى المستظيمه

محتاج ألج من القصى المستظيمه
لكن جديرآ عقبها بالملامـــــــــــه
ياصبيّح عبيد الحياه اللئيمــــــــه
منها بها واللين فيها الصرامـــه
يابوصداقات الرجال الحميمــــــه
من لاعشقها ماتهيّض غــــرامه
ألآ بعد ماشاب بالمستقيمـــــــــه
من بعدها يدمي لكف الندامـــــــه
لاواجروحي ماتكشّف جريمــــــه
لاواهني المنسجم بإنسجامـــــــــه
ماعاش ياصبح الظلام الهزيمـــه
من عقب عصرآ بالنوازي مقامه

                                           منصور حواس الخضع

ألاّ ياعتيـبــي كاضمين ن على غيــــــــض

ألاّ ياعتيـبــي كاضمين ن على غيــــــــض
من دون غيض ودالهين المغيضـــــــــــه
نسترضي الحالك ولو نزعل البيـــــــــــض
ونطنــــب على عصور البخوت الحضيضه
أقفــــوا زماليق الدهر لاحظ القيــــــــــض
من عقبهـــــم خبرى الليالــي خضيضـــه
مال للجروح لشلعـــــة الروح تمــريــــض
دكاترتها مرايمين النقيضــــــــــــــــــــــه
هجرة قرانيس فدى شقرها الهيـــــــــض
فرقى قطين ن مايعود لمقيضــــــــــــــــه

                           منصور حواس الخضع

خذني معك ياهاجسه ياتداعيــــــــــــت

خذني معك ياهاجسه ياتداعيــــــــــــت
مضمي ووردّني على نهرك الـــــعذب
مليان مع قلع الضمد ماتفضيـــــــــت
ملزوز عايف سابقي زينة الهـــــذب
عمسان تبرد دلتي ماتقهويــــــــــت
أجذب وأنا المملوع من كثرة الجذب

                          منصور حواس الخضع 

لو لك بها ماعشت في سرمدتهــــــــــــا

لو لك بها ماعشت في سرمدتهــــــــــــا
مبطي منجزّها ولاوصلت اليــــــــــــــوم
لكنك اللي عايش بطقطـقـتــــــــــــــهــــا
مثل المـــدل اللي بعمياه منجـــــــــــــوم
عن فوقهـــــا يرفض ويبقى تحتهــــــــــا
ومن لايطيــــع يناكخ لخشم زلـــــــــوم
حتى يجيه من الليـــــال أجوبتهـــــــــــا
وعن اللسان تبدّل الصـــح بالنــــــــوم
وتلوى القلوب اللي سكـــن بأوردتهــا
حقدآ بدون أســــــــباب متمـــاديآ دوم
معمي نظرها والعرب شايفتهـــــــــــــا
من حادر بحادر حدرها عن القـــــــوم
يصلّها صل الدلي بمّرستهـــــــــــــــــا
ولايرتفع حظ ن غدى إبليس له توم
يبقى يتابع للعرب يشتمتهــــــــــــــا
يتهم وهو في نظرة الكل متهـــــــوم

                         منصور حواس الخضع

                                                                        

عزي لمن همه مع الناس له قاف

عزي لمن همه مع الناس له قاف
ماشاق باله شايحات المشاريــــف
اللي تولّحظنا بشينات الأوصـــاف
لاهو صغير ولا بعقله خطاريــــف
قم هاك يامرسول الأشراف شفاف
كلام أوضـــح من شفا شمّخ النيف
للي لهم في منتدى رويل ميقـــاف
المتعبين أرواحهم والمصاريـــــف
إن كان ياجينا تولّجنا الإسفــــــاف
نبعد ونترك باقيات السواليــــــــف

                            منصور حواس الخضع

مساجله بين منصور حواس وكاف نواف

نبي فن يكوي فن وفنون كاف فنـــــــــون
عشير النشاما الهيلعي شقم منخرهـــــــا
نبي مودع الخشنه يجي خشنها مسحون
عن قشورها ذات الجلاميد يبشرهـــــــــا
منصور حواس

تقول العرب ياويل اهل نجد لو يـدرون
وهذي لاهل نجد العبــــــاره من آخرها
انا لن اخاطر لن أمرّك عقب هــــاللون
وش الله يحد لناس تحمي مخــــاطرها
كاف نواف

أذآ خلها حاضر بحاضر من المكنــــــــون
أو أقضب درقسون المطيه وسيّــــــــــرها
قبل سمهرة سعدون جابر على صغــيرون
ترى عاقل المره يصاوغ صوابرهـــــــــــا
منصور حواس

مجــــــــوّد درقسون المطيه وانا ممنون
واذا الله ستر هــذي فــــــــلا عاد أكررها
حـــلو قضبة الطاره قبل سمهرة سعدون
ليـــــــــــــــاسمهر إلحق بالله وثمّ دبرها
كاف نواف

صباح الطبيعه ذعذعت لك بلافريـــــــــــــــون
ياواقف لها بالعالم اللي يتمخطرهـــــــــــــــــا
وسعدونكم سعدونكم مضطرب قولــــــــــــون
جميع الأرانب بطّل اليوم يبحرهــــــــــــــــــا
منصور حواس

وأصدح لكم يابوصداقه حميمـــــــه

وأصدح لكم يابوصداقه حميمـــــــه
من واهسي لو كنت موتسي بلامـــه
أخفي حروفً بالصداقه يتيمـــــــــه
كم حرف يلعي ماتعدى فطامــــــــه
وأخشى كلام القلب يصدع صميمــه
وعاجز أصادي ياعنزي للغشامـــــه
أزريت مخصبها ولاهي عقيمــــــــه
لكن ردى شنص وبعضها رخامــــه
للياس ضبت نسلهــا بالمشيمـــــــه
ومرشدّه لطعيم شطب السلامـــــــه

منصور حواس الخضع

انت يانبع الوفا والطيب كله

انت يانبع الوفا والطيب كله يفتخر بك دايما قاصي ودانيخوتك تبري الجروح وكل علهيابوعبدالله نعزك من زمانيانت منصور الخضع منهو يملهصادق احساسه ونادر بالمعانيواالله اللي يعلم بهالقلب واللهشوفتك مبسوط من ضمن الامانيلاني اقرا في ضميرك كل علهعشت جوك كل ماعنيت اعانيلك بوسط القلب يامنصور فلهواسعد الحضات تشريفك مكاني ضامي وفا

حي وافي بالمزايا والجبلــــــــهياهلا باللي أجيه ليا دعانـــــــييارفيع الشان ياراسي محلــــــهيوم محدً ظل في نفس المكانـيوالله المعبود والله ثم واللــــــهمانسيت اللي ذكرني مانسانــيودكم شايح بقلبي مرقب لـــــهماتشقلب مع زمنا الشقلبانــــيياعسى الدنيا لمثلك مسفهلــــهياعسى القاسي لكم يصبح ليانيمثلكم نشفق على اللي جايزلــهننهزع له مثل لدن الخيزرانـــيخوته شما رفيعه مستقلـــــــــهيلعن الله من لها بالبوق خانــي

منصور حواس الخضع

خلك لهـــــا ياعبيد حال التسانيــــد

خلك لهـــــا ياعبيد حال التسانيــــد
يامسند اللي هي سند عن سندهــا
لو إتعضّد تمنح العضد تعــضيـــــد
ياشدها قرحي لكم مـــــن بلدهــــــا
يامنتهى الشكوى بنوح وتغـاريــــد
وش طب أشتتــها وتقـول أحشدها
عينً تفور بخاطري غصب ياعبيـد
حدبا عجوز ودوب زمة نهدهــــــا
وارد جميع اللي مضى عندها بقيد
مركوم مثل الكاسده في كسدهــــا
زباينه ثلثينهم أو بعد زيـــــــــــــد
أما بعد: راحوا قبل مابعدهـــــــــا
ماغير واردهم يسـلّم لي بأيـــــــد
والثلث الآخـر سمهدوها ومهدها
ياعبيد عن لولاسها والتعاقيــــــد
شف الأحجاء وأي منا عقدهــــــا
مليت أرسلنها وأبغدد بغـــــــاديد
مليت أحلوي علقم المر وأدهــى
نبي نتجرد دامها هيك تجريـــــــد
واللي يبي خبرى الحقايق يردها

  
منصور حواس الخضع

الموقف اللي حصل يسعود

الموقف اللي حصل ياسعـــود
شل التــوازن والأفكـــــــــاري
ولّا انــت شهم ورفيع جــدود
وعاداتكـــم حماية الجـــــاري
وصلتنـــي والخطر ماجـــــود
ماقلت وش عنــدهم صــاري
ومنصور طير السعـــد ماكود
مثل القمر يسطع جهـــــاري
ماحسبتوا نقصـــها والــزود
والطيب مع دمكم جــــــاري
ماقلت شي يحتاج شهـــــود
قضية كل بهـــــــــــــا داري
راعية العليا
============
رد سعود حواس
خط لفاني وكتبـــــــت ردود
ملزوم انا برده إجبــــــاري
من دونكم نرخص الموجود
نفعل ولا بفعلــــــــنا نماري
عاداتنا بالليال الســـــــــود
نرخص عزيزات الأعماري
وش عآد لو قيل لي مقرود
ما نسمع بســـــــوة الزاري
ومن لآفعل فـــي حياته فود
عله مع النـــــاس ماصاري
والوقت لوهو زمـــن بارود
العسكر مآتدخل الـــــــداري
نخاف من هرجـــــة المنقود
يسولف بها بايع وشــــاري
شخص يسولف بدون قيود
وعند المداهم غدا نيـــاري
والحكم لله ولأبن سعــــود
وماقدر ربنا الملا صــاري

مساجله بين سعود حواس ومنصور حواس

منصور أنا في داخل السجن مذهـــول
ومن عالمي مليت كثر التفاكيــــــــــر
كني على حدب النعش صرت محمول
ولا عاد ينفع صار ولآ يبي يصيـــــــر
ولا مريض ن طاح بالسقم مشلـــــول
قضى حياته خاضع ن لأمر تقريــــــر
ولآ خريش ن موقف أمــــــام مسئول
وأدلا بسوالف مالهـــــــــــــا اي تبرير
اتلفني التفكير وشعاد أبا آقــــــــــــول
وعقب الزياده دب بالجوف تقصيـــــر
وعقب الصعود اليوم بديت أنا نــزول
غصبن علي ياخوي هاذي المقاديــــر
وحلفت باللي ثبت بمصر ابا الهـــول
لاردها ومناطحن للاعاصيـــــــــــــــر
لعيون من قرنه على المتن مفلــــول
بنت الذي ماحسبوا للمخاسيــــــــــر
وإن كان عندك حل في ضيعة حلول
أنا بشورك يبو وجدان ابا آسيـــــــر
أنت الربيع بعالمن كله محــــــــــول
وشوفتك تغني عن كنوز ودنانيـــــــر
ولــــرضاك جاك العمرياخوي مبذول
أما أقبلــــــــــه ولاّ عطوه الحوافير
سعود حواس الخضع
==============
أهلآ هلا بأغلا ملا العرض والطول
لا ماســـلا قلبي وأنا أبديت تقصير
عن الزياره عقبكـــــم طحت معلول
لاأ حدي ولا أبدي لاتكــلم ولا أسير
زودآ على سهر المرض ظايق الجول
لكن رضينا بالقضاء والمقادير
وأنا عزاي أنك عزيزن عن النول
مقامك أشمخ من شفا قمه النير
متسلسل ن من شايب ن ترثة فحول
اللي قليبه جيهة الشرق لضمير
له ربعتن تجمع هواشيل وصمول
وشبره يطول إليا أقصرن الأشابير
معروف ماضنه مع الخلق مجهول
ريف الركاب اللي نحف حيلها السير
سقى ضريحه بأطيب الغيث هملول
صبح ومساء وفي تالي الليل وعصير
هذا ولك يامرسل الخط مدبول
شكري عدد مابالسماء يصدح الطير
قريت خطك يابو حواس وآقول
عقب النذير أبشر بصوت التباشير
عمري وجاهي كل ماأملك ومانول
يفداك ياشوق البني الغنادير
طهرت قلبي يم قلبك بديتول
شاطرك بأفراح الزمن والتعازير
واقسمت باللي يولج النور بليول
أني عليك اشفق من الخلج للضير
أخشى عليك من الليالي على طول
اخاف عبرات ن تسد الحناجير
ياسعود والدنيا كما ظل غرمول
نمرها ومكملين المشاوير
دنياك ياغافل لك الله مخيول
ياهم بها راع الوهم بالمظاهير
أحدن بها نايم بالأرزاق مشمول
وأحدآ ولويركض يدينه مفاقير
والرزق من كتآب الارزاق مكفول
هو رازق الداب العمى بالمجاحير
ياسعود خذ هرج ن من الراس معقول
وش لك بنطح الذاريات المعاصير
ياسعود تر عج الزمن باب مقفول
ترجع تعد ذنوبكم بالدياجير
خذ النصيحه وأترك الغاب والغول
وأكبح جماح القلب لو قال كمهير
أنت الرجاء فيك الرجاء دوم مآمول
عزك يدق بقلب ضدك مسامير
وأقنع وفكر وين حماية الشول
راحت سوالفهم كما أعرار وعمير
أتلاهم اللي باللقايط قبل حول
مافاد به كوي العرب والدكاتير
راحوا من الدنيا بمترين تترول
خلوا عربهم والسلف والمظاهير
قلبي يتله بين الأظلاع ناتول
على العلوم الماضيات المدابير
الناس ذابت بالحضاره بمحلول
تفاعلت ماينفع اليوم تكرير
يؤكل عشاك وباكر إيقال مهبول
ياعزتي له بذر الرزق تبذير
طبنا ولاشفنا بالأنذال محصول
كود الشماته واللغى والمصاخير
والمرجله ظاعت من العام بأيلول
شامت تطمح وأفختوها المداوير
شامت عن اللي ريفها الخبز والفول
تدور ناس ن نصهم بالمقابير
لاخير باللي يجمع المال بعدول
ياعاد مايكسب من المال تقدير
ولاخير باللي عن هوى النفس معزول
مادام يملك قيمته بالدنانير
فكرت وإن الخلق بأخلاق وعقول
الله فرقها بحكمته بالتقادير
تلقابها مديّم وتلقابها سمول
عقل ن منير وعقل مافيه تنوير
وفكرت وأن الخلق بعروق وأصول
عرق الشرف وعروق مثل البشاكير
عرق ن نضوح وعرق مافيه مبلول
أشماج مثل أحجام إنش المواسير
الناس فيها أجناس سبع ن وضربول
وفيها الحرار الشقر وفيها الخنازير
عذبت فكري ماتوصلت لحلول
وأتعبت رجلي بالطوال العناقير
والراس صدع مايفيد البنادول
لو المخابي ماليتها القصادير
باح العزى مافيه قوه ولاحول
ياسعود بيحنا عليك الأسارير
من خاطرآ ماينزف القاف بسطول
قاعه تفور بلامقام ومواطير
لذة حياتك هي شبابك على فعول
طيب وصدى علم ن مع الناس به خير
مع بنت عم ن مالها وصف وشكول
وضحى الهواوي من جهام المغاتير
عرق الندى ماهم شفيين وخبول
عقل وجمال وطيب عشره وتدبير
منصور حواس الخضع

نبي نغني ماعلى البال ياتليـــــــــــل

نبي نغني ماعلى البال ياتليـــــــــــل
عله يجوز لعالمً يسمعونــــــــــــــــه
ولآ رضى العالم صعيب المحاصيـل
ولاني من اللي لازمً يقبلونـــــــــــه
ولو ماتخايلنا عيون الرجاجيــــــــل
ماقول لو يدعج لي الترف نونــــــه
ماغير أسلي خاطري بالتماثيـــــــل
من مصنعً ماينتجه تبخصونــــــــه
قرايحه تشدى عبير الأكاليـــــــــل
تطرب جماهيره معاني فنونــــــــه
ولاني ورى اللي حللوا بالتحاليـــل
خل المحلّل لين تدمع عيونــــــــــه
ودي بقصادً يجي للتساجيـــــــــل 
بالحاضر الحاضر ومايحضرونـه
بدماغ راسي يبرمن المحاحيـــــل
وحجاب يرقع بالحشى نجدفونــه
على لحن مرت ولانسهر الليـــل
ولآ لحن لايافتاتي الحنونــــــــه
نآخذ ونعطي من عذيً كما النيل
مايغثي الهلكى الذي يشربونــه
ومن لابغى يشرب عذي الشهاليل
ماقلت لازمً نهرنا تآردونــــــــــه
يضرب تخاتيخ السهال وتساهيل
الله يسهّل له ولاتوشلونــــــــــه
وين الذي يعطي نقاي التباديـل
تاه العميل اللي وفى مع زبونه

منصور حواس الخضع